تولە ءبيدىڭ شەشەندىگى
اتاقتى بيلەر ارقاعا جينالىپتى. ايتقان مەزگىلدەن تولە بي كەشىگىپ كەلەدى. وعان شامدانعان قارت بيلەر:
— تولە بي كەلسە، ورنىمىزدان تۇرمايىق، — دەپ اۋەلدەسەدى. ءبىراق تولە بي كەلگەندە ورىندارىنان تۇرىپ كەتەدى. تەك ەكى-ۇش بي عانا تۇرمايدى. تولە بي كوپشىلىكتەن كەشىككەنى ءۇشىن كەشىرىم سۇرايدى. الگى تۇرماي قالعان بيلەردىڭ ءبىرى سوزدەن ۇتۋ ءۇشىن سىناي سۇراق قويادى:
— ب ا ق دەگەنىمىز نە؟
— بايلىق دەگەنىمىز نە؟
— بالا دەگەنىمىز نە؟
تولە بي ورنىنا وتىرماي، تۇرەگەپ تۇرعان بويدا:
ب ا ق — ۇزاتىلعان قىز،
بايلىق — ەريتىن مۇز،
بالا — ارتتا قالعان ءىز.
ءومىردىڭ ادامعا ەڭ جاقسى سىيى —
سىيلاسقان ءسىز بەن ءبىز، — دەگەندە، بيلەردىڭ ءبارى ورىندارىنان تۇرىپ، قۇرمەت كورسەتىپتى.
You Might Also Like
-
كۇرىش — سۋدى جانە ىستىقتى جاقسى كورەتىن داقىل ءتۇرى. ىلعالى مول تروپيكتىك جانە سۋپتروپيكتىك ايماقتاردا وسىرىلەدى. دۇنيە جۇزىندە كۇرىشتى ءوسىرۋ بويىنشا جۇڭگو، ءۇندىستان، بانگلادەش، يندونەزيا سەكى...
-
ەل اۋعان «اقتابان شۇبىرىندى، القاكول سۇلاما» كەزىندە تولە كيىز ءۇيىن جىقپاي، قاسيەتتى جۇرتىن قيماپتى. سوندا جوڭعارلىق قولباسى تولە بيدەن كوشپەي قالۋىنىڭ سىرىن سۇراپتى.
