تۇرعىنى جوق قالا
كانگباشي – الەمدەگى ەڭ ۇلكەن ەلەس قالا.
كوشەلەر مەن الاڭداردا ءتىرى پەندە جوق، قاڭىراپ قالعان كەڭسەلەر جانە ساۋدا ورىندارى.
كوپقاباتتى ۇيلەر قونىستانۋعا اسىقپايتىن تۇرعىندارىن كۇتۋدە.
باعدارشامداردا «جاسىل» مەن «قىزىل» اۋىسىپ جۇمىس ىستەيدى، ءبىراق قيىلىستان وتەر ەشكىم جوق.
ەشبىر جاياۋ جۇرگىنشى جاياۋلار وتكەلىن كۇتكەن جوق.
كەيدە، وتە سيرەك، بىرەن-ساران جاياۋ جۇرگىنشىلەر بايقالادى. تالاپقا ساي ولار سارعىش كيىم كيەدى جانە ماڭايدى تازارتۋمەن اينالىسادى.
قالالىق كىتاپحانا عيماراتى جانە جەرگىلىكتى تاريح مۇراجايى. ەسىكتەرى جابىق، الايدا ءمولدىر شىنىدان ىشىندە كەلۋشىلەرگە ارناپ بارلىعى جابدىقتالعاندىعى كورىنەدى.
سونىمەن الپاۋىت قالاعا نە بولعان، نەلىكتەن مۇندا ەشكىم تۇرمايدى؟
كانگباشي – جۇڭگو مەن ىشكى موڭعوليانىڭ وردوس قالالىق اۋدانىنا كىرەتىن اۆتونوميالىق اۋدان. كومىر ساتۋدان ەرەكشە بايلىققا كەنەلگەن جەرگىلىكتى بيلىك، تۇرعىندار مەن ينۆەستيسيا تارتۋ ماقساتىندا مۇلدە جاڭا قالا تۇرعىزباققا شەشىم قابىلدايدى. كانگباشي قالاسىنىڭ اۋدانى – 350 شارشى كيلومەتردى قۇرايدى.
تاماشا شىققان جوبا. تەك تۇرعىلىقتى مەكەنجايلاردى سالۋمەن شەكتەلمەي، بىردەن بۇتكىل ينفراسترۋكتۋرانى قامتيتىن دۇكەندەردى قوسا ەسەپتەگەندە، كەڭسەلەر مەن ساياباقتار دا تۇرعىزىلعان. موڭعولدىڭ ۇلتتىق ستيلىندەگى ساياباقتى «كۇشتى جىلقى»، «ادىلەتتى حان»، «ءتوزىمدى تۇيە» بەينەلەرىندەگى ەسكەرتكىشتەر ارلەي تۇسەدى.
ساياباقتىڭ باسقا جاعىندا ورنالاسقان ءدال وسىنداي ەسكەرتكىشتەر التىندى تۇستە جاسالعان.
ەشبىر جان تەپپەيتىن كوشە ۆەلوسيپەدتەرى. ال، قاراڭىز! بىرەۋى دە ۇرلانباعان. بۇل جەردە ارنايى كۇزەت بولماعانىمەن، قالاعا كىرۋ ەركىن.
قالانى ەكى جاققا ءبولىپ تۇرعان وزەن جانە الپاۋىت بۋددا.
«مۇندا وپات بولعان ادامدار جونىندە كينو تۇسىرۋگە بولادى» - دەپ، جازادى فوتوگراف، ءارى ساياحاتشى الەكساندر بەلەنسكيي.
ءبىراق، بارىنەن بۇرىن تاڭقالدىرارلىق جايت: مۇندا جىلى! تولىق تۇرعىزىلماعان پاتەرلەردە جىلى باتارەيالار بار.
قايتكەنمەن بۇل قالادا وتىز مىڭعا جۋىقتايتىن ادامدار تۇرادى. قالا ميلليونعا شاقتالعان. وزگە ايماقتارىندا ەشبىر جان بولماعانىمەن كوڭىلدىرەك.
You Might Also Like
-
انىقتاۋ تاسىلدەرى. سۇيەك ىسىكتەرىن انىقتاۋ اۋرۋدىڭ تاريحىنا مۇكيات زەر سالىپ، تىڭداۋدان، زاقىمدانعان سۇيەك ايماعىن كوزبەن قاراپ، ساۋساقپەن سيپاۋدان باستالادى. كوزبەن قاراعاندا ىسىك ايماعىندا دۇمپيگ...
-
قانشاما قازاق بالاسى مەن وزگە ۇلت وكىلدەرىن ءبىلىم نارىمەن سۋسىنداتقان قازۇۋ – ءدىڭ ءبىلىم سالاسىنا قوسقان ۇلەسى بولەك. سەبەبى، ۋنيۆەرسيتەتىمىز بۇگىنگى كۇنگە دەيىن ءوزىنىڭ اب...
