InfoHub Logo

تابىستى ادامداردىڭ بارلىعى تاڭ قىلاڭ بەرە تۇرعان ەمەس. كەش تۇرىپ تا قولعا العان ىسىڭىزدە تابىسقا جەتۋگە بولادى.

بىلايعىشا ءبىزدىڭ كوز الدىمىزعا، ۇلگەرۋ ءۇشىن تاڭ ازانىمەن تۇرۋ قاجەتتىگى، سونداي-اق، قاراپايىم جانداردان جۇمىس كۇندەرىن بىرنەشە ساعات ەرتە باستايتىن ادامداردىڭ جەتىستىككە تولى اسەرلى وقيعالارى جونىندەگى دانا كەڭەستەر كەلەدى.

الايدا ميلليونەرلەر اراسىندا دا ۇكىلەر بار جانە ولار كەش تۇرۋ مەن تابىستى بيزنەستى قالاي ۇيلەستىرگەندەرىن ايتۋعا دايىن.

ءوزىڭىزدى تىڭداڭىز

ارنايى ۋاقىتتا تۇرۋعا قاراعاندا، ۇيقىنىڭ قانعاندىعى ماڭىزدىراق. ەگەر ءسىزدىڭ جۇمىس ونىمدىلىگىڭىزدىڭ ارتۋ ءساتى كەشكە قاراي بولسا، وندا بارلىق ماڭىزدى شارۋالاردى كەشكە قالدىرۋعا جوسپارلاڭىز جانە بەرىلە جۇمىس ىستەڭىز.

العاش كومپانيامدى قۇرعان شاقتاردا مەن تاڭعى ساعات 5-تە،  كەيدە ءتىپتى 4-دە تۇرۋعا ءوزىمدى زورعا يتەرمەلەيتىنمىن.  وسىنداي كەستەدە وتكەن جارتى جىلدىق ومىرىمنەن وسىنشا ەرتە تۇرۋ ماعان تەك كەسىرىن تيگىزەتىندىگىن ۇقتىم.  ال، 8-9 ساعات ۇيىقتاي الاتىن ساتتەرىمدە مەن،  ەكى ەسە جاقسى جۇمىس ىستەيمىن.

تاڭعى 9-عا دەيىن ۇيىقتايتىن ميلليونەر  برايان كلەيتون (Bryan Clayton)، GreenPal كومپانياسىنىڭ باس ديرەكتورى

ۇيقىدان تۇرا سالىسىمەن، جۇمىستى باستاڭىز

CelebriDucks مەن Cocoa Canard كومپانياسىنىڭ پرەزيدەنتى جانە مۋلتيميلليونەر كرەيگ ۆولف (Craig Wolfe) ءوز جۇمىسىنىڭ جەمىستى بولۋ قۇپياسىمەن بىلايشا بولىسەدى: «ادەتتە مەن تاڭعى 8:15 پەن 9 ارالىعىندا ويانامىن، الايدا ءوندىرىس ورىنىمنىڭ وزگە ۋاقىت ايماعىندا ورنالاسقاندىقتان مەنىڭ كەشكە دەيىن جۇمىس ىستەۋىمە تۋرا كەلەدى. بارلىعىنا ۇلگەرۋ ءۇشىن، ءوزىڭىز تولىقتاي حاباردا جانە ءتيىمدى شاقتارمەن قاتار ءاربىر ىسكە ارنايى ۋاقىت بولە العان كەزدە، ۋاقىتتى ناقتى انىقتاۋ قاجەت. كۇنۇزاق مەنىڭ قاي ۋاقىتتا قوڭىراۋعا جاۋاپ بەرەتىن، ۇسىنىستارمەن جۇمىس جاسايتىن نەمەسە جارنامامەن اينالىساتىن ارنايى ۋاقىتتارىم بولادى. ەڭ ماڭىزدىسى ۋاقىتتى جوسپارلاي ءبىلۋ جانە سول جوسپاردان اۋىتقىماۋ كەرەك».

جۇمىس ۋاقىتىن ساۋاتتى ءبولىڭىز

قانشادا تۇراتىنىڭىز ماڭىزدى ەمەس. ماڭىزدىسى، ءسىزدىڭ كەستەڭىزدىڭ دۇرىس بولعاندىعى.

مەن ءاربىر جۇمىس كۇنىمدى ەرتەڭگى كۇندى جوسپارلاۋمەن اياقتايمىن. سەبەبى، تاڭ اتىسىمەن مەن ويىمدى جيناقتاۋعا جانە جۇمىس ءتىزىمىن قۇرۋعا ۋاقىتىمدى شىعىنداي المايمىن.

Kauzbots ويىنشىق ءوندىرىس كومپانياسىنىڭ باسشىسى  جانە ميلليونداردىڭ يەگەرى ناتاشا نەلسون (Natasha Nelson) تاڭعى 8-9-عا دەيىن ۇيىقتايدى.

جۇمىس ۋاقىتىنىڭ ساۋاتتى جوسپارلانۋى ونىڭ باسىمدىعىن ارتتىرادى. ءوز كەستەڭىزدى قۇراردا، ەڭ نەگىزگىدە كومپانياڭىزعا كوپ مولشەردە كىرىس كىرگىزەرلىك جۇمىستارمەن اينالىساتىنداي ەتىپ قۇرۋعا تىرىسىڭىز.

تۇراقتى جۇيەنى قالىپتاستىرىڭىز

كاسىپورىننىڭ تابىسقا جەتۋى كوپ نارسەگە، اتاپ ايتقاندا ءارتۇرلى جۇيەنىڭ ءۇزىلىسسىز جانە وتە جاقسى ۇيىمداستىرىلۋىنا بايلانىستى بولىپ كەلەدى. وسىلاردى ءسىز قانشالىقتى جاقسى يگەرگەن بولساڭىز، قايتىمى دا سونشالىقتى جوعارى بولماق، سونداي-اق ءسىزدىڭ قاتىسۋىڭىزدىڭ قاجەتتىلىگى تومەندەي تۇسەدى.

ۇتىمدى جۇيە مەن مىقتى كوماندا تىنىش ۇيىقتاۋعا جاعداي جاسايدى. ءتىپتى ءسىز ۇيىقتاپ قالعان كەزدىڭ وزىندە دە  جۇمىس ءوز جالعاسىن تابادى.

Decisive Minds كومپانياسىنىڭ بيزنەس كەڭەسشىسى، ميلليونەر ميشەل سيزم (Michele Scism) تاڭعى 8-9 ارالىعىندا ويانادى

وزىڭىزگە ۋاقىت تابىڭىز

ارالاسقان كەستەمەن ءومىر سۇرگەندە، جۇمىس پەن جەكە ءومىردى ۇيلەستىرۋ وڭايعا سوقپايدى. ءبىراق، جەتىستىك – بۇل تەك جۇمىس ەمەس. ماسەلەن، سپورتپەن شۇعىلدانۋ تەك دەنساۋلىققا پايدالى. ولار سونىمەن قاتار ويدى رەتكە كەلتىرىپ جانە جاقسى جۇمىس ىستەۋىنە سەپتىگىن تيگىزەدى.

كەش تۇرۋ ءسىزدى، تۇسكى ءۇزىلىس كەزىندەگى تاماقتانۋدان نەمەسە كوفە-برەيك پەن الەۋمەتتىك ءىس-شارالاردان جانە جاقىندارمەن ارالاسۋدان ايىرا المايدى. جەتىستىككە جەتۋ ومىردە ەڭ ماڭىزدى سالالاردىڭ گارمونيالىق ۇيلەسىمىنسىز مۇمكىن ەمەس.

تابىستى بولۋ ءۇشىن، ەرتە تۇرۋ مىندەتتى ەمەس. الدەقايدا بارىنەن ماڭىزدىسى قاي ۋاقىتقا سايكەس كەلمەسىن، ۇيقىنىڭ قانىپ تۇرعاندىعى قاجەت.

---