ۋ جەگەن تۇلكى
بۇرىن ءبىر باي تۇلكىگە ۋ سالادى ەكەن. جىلقى باعىپ جۇرگەن قوشتاي كەي كەزدەردە وسىنداي ۋ جەپ ولگەن تۇلكىگە كەزىگىپ قالىپ، پايدالانىپ تا جۇرسە كەرەك. ءبىر كۇنى الگى باي قوشتايدان:
— سەن دالادا تۇلكى تاۋىپ العان جوقسىڭ با؟ — دەپ سۇراپتى سىر تارتىپ.
— جوق، تاقسىر، تۇلكى ماعان ۇستاتا ما، ول قۋ عوي؟ — دەپتى قوشتاي تۇك بىلمەگەنسىپ.
— اناۋ كۇنى وسى اۋىلدا ءبىر شال دالادان ۋ جەپ ولگەن تۇلكىنى تاۋىپ الىپ، سويىپ جاتقاندا ۋلانىپ قالىپ، ءولىپ قالا جازداپ بارىپ ارەڭ جازىلدى، — دەپتى باي ونى قورقىتىپ قويماق بولىپ.
ءبىر كۇنى تاڭەرتەڭ باي شايىن ءىشىپ جاتقاندا سىرتتان قوشتايدىڭ ايعايلاپ شاقىرعان داۋىسىن ەستىپ سىرتقا شىقسا، قوشتاي ون نەشە قۇلاش قايىس ارقاننىڭ ءبىر ۇشىن تۇلكىنىڭ ارتقى سيراعىنان بايلاپ الىپ تاقىمىنا باسىپ، سوزا تارتىپ ەنتىگىپ تۇر ەكەن.
— ءۇي، باتىرەكە، مۇنىڭ قايتكەنىڭ؟ — دەپ ىزا بولىپتى باي، قوڭىرالا تۇلكىنىڭ قابىرعا جونىنىڭ سىپىرىلىپ ءتۇسىپ قالعانىن كورىپ.
— اناۋ كۇنى ءوزىڭىز ۋ جەگەن تۇلكىنى ۇستاسا، ۋلانىپ قالادى دەدىڭىز ەمەس پە؟ مىنا قۇرىقپەن ارتقى سيراعىنان تۇزاقتاپ الدىم دا، جول بويى سۇيرەتىپ ارەڭ جەتتىم، — دەپتى.
قوشتايدى داڭعوي، ەسىرىك دەپ ويلاعان باي كەيىن ونان كۇماندانبايتىن بولىپتى.
You Might Also Like
-
ءالىباي دەگەن كىسى قوياندى جارمەڭكەسىنە كەلە جاتادى. مىنگەنى كۇزەۋلى بايتال ەكەن. ونىڭ ارتىنان ەكى جىگىت قۋىپ جەتىپ، كەكەتىڭكىرەپ سالەم بەرەدى. ءالىباي سالەمىن الىپ:
