Астанада жиырма жылдан астам уақыт бұрын жасалған кісі өлтіру оқиғасы ашылды. Павлодар облысының екі тұрғыны осы қылмысқа қатысы бар деген күдікпен ұсталды, деп хабарлайды infohub.kz сайты.
2005 жылдың маусым айында елорданың шетінде зорлық-зомбылық белгілері бар ер адамның мәйіті табылған болатын. Сол кезде тікелей дәлелдердің жоқтығынан кінәлілерді анықтау мүмкін болмады.
Биыл криминалдық полиция қызметкерлері іс материалдарына қайта оралды. Олар болған оқиғаның бейнесін қалпына келтіріп, кешенді жедел-іздестіру іс-шараларын жүргізді.
Дәлелдемелік база там-тұмдап жиналып, қылмысқа Павлодар облысының екі тұрғынының қатысы бар екені анықталды. Тамыз айында екі күдікті де ұсталды. Олар қылмыс жасағандарын мойындады.
Тергеу барысында кісі өлтіру ер адамдардың мас күйінде болған жанжал кезінде орын алғаны анықталды. Екі ұсталған да қамауға алынды, тергеу жалғасуда.
ІІМ криминалдық полиция департаментінің бастығы Қанат Нұрмағамбетов өткен жылдардағы қылмыстарды ашу және жазаның бұлтартпастығын қамтамасыз ету полиция жұмысының басым бағыттары болып қала беретінін және ІІМ-нің ерекше бақылауында екенін атап өтті.