Алматыда Hyundai көлігінің жүргізушісі Райымбек даңғылында жол қозғалысы ережелерін өрескел бұзғаны үшін жауапкершілікке тартылды. Сот шешімімен ол 30 тәулікке қамауға алынды, деп хабарлайды infohub.kz сайты.
Алматы полиция департаментінің баспасөз қызметінің мәліметінше, әлеуметтік желілерде Hyundai Elantra жүргізушісінің Райымбек даңғылында жол қозғалысы ережелерін өрескел бұзғаны көрсетілген видео тараған. Полицейлер бұзушының жеке басын тез анықтады — ол Алматының 23 жастағы тұрғыны болып шықты.
Жол қозғалысы ережелерін өрескел бұзғаны үшін ол бірнеше бап бойынша әкімшілік жауапкершілікке тартылды: қауіпті маневр жасау, мемлекеттік нөмір белгісінсіз жүру, тонировка, жол белгілерінің талаптарын сақтамау және тиісті құжаттарсыз көлік жүргізу.
Іс материалдары Алматы қаласының мамандандырылған ауданаралық әкімшілік сотына жіберілді. Судья алматылыққа 30 тәулік әкімшілік қамау және 100 АЕК-тен асатын, яғни 432 500 теңге көлемінде айыппұл тағайындады.