Алматыдағы Ади Шәріпов көшесіндегі тұрғын үй кешенінде болған өрттен алты адам медициналық көмекке жүгінді, оның төртеуі ауруханаға жатқызылды, деп хабарлайды infohub.kz.
Ірі өрт 23 тамызда Алматыдағы тұрғын үй кешендерінің бірінде болды. Қалалық қоғамдық денсаулық сақтау басқармасының мәліметінше, алты зардап шеккенге медициналық көмек қажет болды.
Зардап шеккендердің үшеуі Қалалық жедел жәрдем ауруханасына жеткізілді. Басқармадағылардың айтуынша, тексеру нәтижесінде бір әйел ауруханаға жатқызылды, екеуі амбулаториялық бақылауға жіберілді.
Тағы екі зардап шеккен Орталық қалалық клиникалық ауруханада жатыр, оларға қажетті медициналық көмек көрсетілуде, деп нақтылады қалалық денсаулық сақтау басқармасы.
Ведомствода бөлек кәмелетке толмаған зардап шеккен туралы хабарлады. Медициналық тексеруден кейін дәрігерлер одан әрі бақылау бойынша ұсыныстар берді, алайда оның жақындары ауруханаға жатқызудан бас тартты.
Еске салайық, кеше Алматыдағы тұрғын үй кешендерінің бірінде өрт болғаны белгілі болды. Өрт кезінде зардап шеккендердің бірі, келген дәрігерлердің реанимациялық шараларына қарамастан, қайтыс болды.