4-10 қыркүйек аралығында Астана — Қарағанды — Алматы республикалық автожолының бір бөлігінде жүк көліктерінің қозғалысы шектеледі, деп хабарлайды infohub.kz сайты.
«КазАвтоЖол» ұлттық жол операторының мәліметінше, Қаскелең қаласы мен Ұлан ауылы маңындағы 1209-1201-шақырымдар аралығында жол төсеміне орташа жөндеу жұмыстары жүргізілуде.
Осыған байланысты 4-10 қыркүйек аралығында күн сайын сағат 06:00-ден 19:00-ге дейін жүк көліктерінің қозғалысы уақытша шектеледі. Ауыр жүк көліктері үшін БАКАД республикалық трассасы және жергілікті жолдар арқылы айналып өту ұйымдастырылған: Алмалыбак — Жамбыл, Алмалыбак — Ұлан, Алмалыбак — Қошмамбет және Алмалыбак — Елтай.
Жеңіл көліктер мен қоғамдық көлік жол жиегімен жүре алады.
«КазАвтоЖол» жүргізушілерді маршрут жоспарлау кезінде уақытша қолайсыздықтарды ескеріп, жол белгілері мен реттеушілердің нұсқауларын қатаң сақтауға шақырды.