Астанада жүрген Түркия азаматы күннен қорғайтын көзілдірігінің жоғалғанын байқап, полиция қызметкерлеріне жүгінген, деп хабарлайды infohub.kz.
ІІМ медиапорталының мәліметінше, шетелдік қонақүйде құны шамамен 300 доллар (шамамен 140 мың теңге) тұратын көзілдірігінің жоғалғанын байқаған, оған дейін ол спорттық іс-шараға барған. Оқиғаның мән-жайын анықтау үшін елордалық полицейлер бейнебақылау камераларының жазбаларын қарап шыққан.
Тексеру барысында спорттық іс-шараға бармас бұрын көзілдіріктің ер адамда болғаны анықталған. Кейін трибунада ойындарды тамашалап жүріп, ол оны қалдырып кеткен, ал ғимараттан шығарда жоғалтқанын байқамаған, деп мәлімдеді Астана полиция департаментінде.
Түркия азаматы полиция қызметкерлеріне жеделдігі, мұқият қарағаны және көрсеткен көмегі үшін алғыс білдірген. Полиция азаматтардың уақытылы өтініш жасауы оқиғаның мән-жайын тезірек анықтауға және қажетті шараларды қолдануға мүмкіндік беретінін атап өтеді. Жеке заттарыңызды жоғалтқан жағдайда көмек сұрауды кейінге қалдырмауға, мүмкіндігінше полиция қызметкерлеріне оқиғаның мән-жайын барынша нақты хабарлауға кеңес беріледі.