Үндістан азаматы велосипедпен саяхаттап жүріп, Қазақстанда қиындыққа тап болды, бірақ жергілікті полицейлердің ілтипаты мен жанашырлығының арқасында жолын жалғастыра алды, деп хабарлайды infohub.kz.
Ішкі істер министрлігінің баспасөз қызметінің мәліметінше, оқиға 24 тамызда Атырау облысында болған. Наурызбек Сұлтанов, Әлиби Жасталапов және Әскержан Бекболат есімді полиция қызметкерлері қызмет барысында тас жолда шетелдіктің велосипедпен келе жатқанын байқаған.
Ер адамның Ресейден Қазақстан арқылы Үндістанға бара жатқаны анықталған. Жолда ол адасып, ұялы байланыс пен интернетке қол жеткізуде қиындықтар туындаған.
Полицейлер саяхатшыны жағдайында қалдырмады. Олар оған SIM-картаны белсендіріп, желіге қосылуға көмектесті, осылайша ол маршрутты анықтап, байланыста бола алды. Сонымен қатар, туристің түнейтін жер іздеуде қиындықтары бар екені белгілі болды. Тәртіп сақшылары оған жақын маңдағы қонақүйді тауып, жайғасуына көмектесті.
Полицейлердің мұқияттылығы мен жанашырлығының арқасында шетелдік қажетті көмек алып, сапарын жалғастыра алды. Саяхатшы қазақстандық полицейлерге көрсеткен қолдауы үшін шынайы алғысын білдірді.