Алдағы дүйсенбіде, 19 тамызда, Қазақстанның бес қаласының тұрғындары ауа сапасының нашарлауына тап болуы мүмкін. Синоптиктердің болжамы бойынша, Алматы, Атырау, Ақтөбе, Өскемен және Көкшетау қалаларында қолайсыз метеорологиялық жағдайлар (ҚМЖ) қалыптасады, деп хабарлайды infohub.kz сайты.
«Қазгидромет» мамандарының түсіндіруінше, ҚМЖ тымық ауа райы, әлсіз жел, тұман және температуралық инверсия сияқты факторлардың тіркесуі кезінде пайда болады. Бұл жағдайлар атмосфераның жерге жақын қабатында зиянды заттардың жиналуына ықпал етіп, ауа сапасының нашарлауына әкеледі. Мамандар мұндай кезеңдерде, әсіресе созылмалы аурулары бар адамдар үшін денсаулыққа теріс әсер ету қаупі артатынын ескертеді.
Ауаның ластану деңгейіне желдің жылдамдығы, жауын-шашын, ылғалдылық және ауа температурасы әсер етеді. Осыған байланысты тұрғындарға көшеде, әсіресе автомобиль жолдарының және басқа да ластау көздерінің жанында болу уақытын қысқарту ұсынылады. Балалар мен жүкті әйелдерге ұзақ серуендерден бас тартуға кеңес беріледі.
Тыныс алу және жүрек-қан тамырлары жүйесі аурулары бар адамдарға, сондай-ақ аллергиясы барларға қажетті дәрі-дәрмектерді өзімен бірге алып жүру ұсынылады. Мамандар ашық ауадағы физикалық белсенділікті шектеуді және мүмкіндігінше жаттығуларды жабық үй-жайларға ауыстыруды кеңес береді.
Бұған дейін 19 тамызда Қазақстанда +40 °C-қа дейін ыстық және қатты жаңбыр күтілетіні хабарланған болатын. Синоптиктер елдің көптеген аймақтарында найзағай, бұршақ және қатты жел болатынын ескертеді.