InfoHub Logo

Жж дыбысы мен әрпі (1 сынып)
Білімділік мақсаты: Оқушыларды Ж дыбысы мен әрпімен таныстыру. Ж дыбысы бар сөздерді оқыту, жазғызу. Ж дыбысының айтылу артикуляциясымен таныстыру. Басқа дыбыстардың ішінен айыра білуге, сөзге дыбыстық талдау жасауға, сөзді буынға дұрыс бөлуге үйрету.
Дамытушылық мақсаты: Логикалық ойларын, сөздік қорларын, танымдық дағдыларын дамыта отырып, дұрыс оқи алуға, әдемі жазуға машықтандыру.
Тәрбиелік мақсаты: Ұқыптылыққа, шапшаңдыққа, ұйымшылдыққа тәрбиелеу.
Сабақтың әдісі: сұрақ - жауап, түсіндіру, ойын, көрнекілік, жұмбақ, шешу
Сабақтың түрі: ойын сабақ
Көрнекілігі: Ж әрпінің баспа және жазба түрі, кеспе әріптер, суреттер, Ж әрпінен басталатын мақал - мәтелдер.
Сабақ барысы:

1. Ұйымдастыру кезеңі.
а) психологиялық дайындық
Жақсы оқып сабақты,
Әдеп сақтау сәніміз.
Сәлем бердік сіздерге,
Басымызды иіп бәріміз.
Ә) Сынып оқушыларын түгендеу
2. Үй тапсырмасын тексеру. Өткен сабақтағы Ыы дыбысын қайталатуда
а) «Әріптерді сөйлет» ойынын ойнату. Өткен әріптер бойынша «Әріптерді сөйлет» ойынында балалар әріптерді айтып, олардың дауысты және дауыссыз дыбыстар екенін атап, олардан сөз құрап, буынға бөледі.
Ә) Үйге берілген «қақпашы» мәтінін сұрақ - жауап арқылы сұрау.

ІІІ Жаңа сабақ Бүгінгі сабағымыздың тақырыбы «құпия». Жаңа сабақтың «құпиясын» ашу үшін «Бұл не?» ойынын ойнаймыз.
Ойынның шарты: Оқушылар кезек – кезек шығып берілген суретті сипаттап айтып береді. Отырған оқушылар жауабын табады.
(Жаңбыр, жапырақ, жүрек, жылқы)
- Ал балалар жауаптарын дұрыс таптыңдар, сөздер қай дыбыстан басталып тұр?
- Дұрыс айтасыңдар Ж дыбысынан.
Олай болса бүгінгі сабағымыздың тақырыбы Жж дыбысы мен әрпі
Мақсатын хабарлау.
- Ж, ж, ж (хормен айту)
- Қалай естіліп тұр, қалай айтылады?
- Дұрыс балалар, кедергіге ұшыраптұр, созылмайды, әндетілмейді.
- Сондықтан Жж дыбысы дауыссыз, ұяң дыбыс.
- Ал енді өздерің Ж дыбысынан басталатын қандай сөздер білесіңдер?
(Оқушылардың жауаптары тыңдалады)

ІҮ Оқушылар сөздер жазылған парақшалар алып, сөздерді оқиды, буынға бөледі. Сөз неше буыннан тұратынын анықтап тиісті орнына қояды.
Ү Оқушылар өткен сабақтарда жаттаған, өздері білетін жаңылтпаштар айтады.
Жаңа жаңылтпаш жаттау
Жағажай,
Жағажайда Қамажай.
Жағажайды жағалай
Жүгіреді Қамажай.
ҮІ. Оқулықпен жұмыс
Ал енді балалар, алдымыздағы әліппе кітабымызды ашайық. Өйткені кітап біздің досымыз, ақылшымыз.
1. Хормен оқу
Жа ға, жа лау, жо та, жан тақ, жуан
Жа са, жа сау, жуа, жу сан, жуас,
Жусан
Далада жусан бар. Жусанға мал жақсы жайылады. Жарас малды жусанға жайды. Мал тойынды.
- Мәтінді оқып түсіндіру. Жусанға түсінік беру.
2. Іштей оқу
3. Тізбектей оқу