InfoHub Logo

Тақырыбы: Жемістер
Білім беру саласы: Коммуникация. Сөйлеуді дамыту
Мақсаты: Балаларға жемістер туралы түсінік беру, түстер мен пішіндерін ажыратуға. Денсаулыққа пайдасы туралы мағлұмат беру. Үш орталыққа бөлу арқылы берілген тапсырманы мұқият орындай білуге үйрете отырып, «Денсаулық - зор байлық», «Дені саудың - жаны сау» деген қағиданы балалар бойына сіңіруге үйрету.
Керекті құралдар: слайдтар, мақал - мәтелдер, көкөністер мен жемістердің суреті, қылқалам, жемістердің таспасы, гуашь бояуы, сүлгі, жеміс - жидектер, тақтайша, салатқа ыдыс.
Ұйымдастырылған оқу қызметінің әдісі: сұрақ - жауап, әңгімелеу, көрсету, түсінік беру, интерактивті тақта.
Билингвалдық компонент: Жемістер – фрукты, алма - яблоко, алмұрт - груша, банан - банан, өрік - персик, дәрумендер - витамины.
Шаттық шеңбер.
Үлкенге сіз,
Кішіге сіз,
Баршаңызды құрметтеп,
Бас иеміз біз.
Балалар қонақтармен амандасып шеңбер бойына жиналып, «Шаттық шеңберге» тұрып, сөздерін қайталап, қимыл - қозғалыстарын жасайды.
Шаттық шеңберін құру:
Ауадан қуат алайық,
Алақанға салайық,
Жерден нәр алайық,
Алақанға салайық,
Күннен шуақ алайық.
Алақанға салайық.
Күншуағын апайларға сыйлайық
(Алақандарын үрлейді)
Іздену - ұйымдастырушы.
Оқу іс - әрекетін сұрақ қоюдан бастаймын
- Қазір жылдың қай мезгілі?
- Күз мезгілі.
- Күзде неше ай бар?
- Күзде үш ай бар
- Атаңдаршы
- Қыркүйек, қазан, қараша
- Күздің соңғы айын атайықшы
- Қараша айы
- Күзде нелер піседі?
- Күзде жеміс - жидектер, көкөністер піседі.
- Бүгін сендермен «Жемістер» тақырыбында ұйымдастырылған оқу іс - әрекетін өтеміз. Балалар тәрбиешінің айтқанын мұқият тыңдайды.
«Ең басты байлық - денсаулық»
- Деніміз сау, ауырмасақ қана бақытты өмір сүреміз. Ал, ауырмау үшін дәрумендерге бай тағамдарды көп жеуіміз керек.
- Көп дәрумендер кездесетін тағамдардың денсаулыққа пайдасы көп. Біз жемістерді көп жесек, ауырмай, үлкен болып өсеміз.
Балалар интерактивті слайдты мұқият қарайды.
Билингвалдық компонент: Жемістер – фрукты, алма - яблоко, алмұрт - груша, банан - банан, өрік - персик, дәрумендер - витамины.
(Слайд бойынша көрсетіп, түсіндіру)
Балабақша медбикесі - Жадыра апай айтып түсіндіріп берсін.
А дәрумені - ағзаның өсуіне, көздің жақсы, сүйек, тіс, шашты нығайтады.
В1, В2, В 12 дәрумені - дене жарақатының тез жазылуына септігін тигізеді. Қан құрамына, қан аздыққа әсеретеді.
С дәрумені – зат алмасу үрдісіне иммунитетті көруге көмектеседі.
Д дәрумені – сүйек, бұлшық еттің дұрыс дамуына әсер етеді.
Е дәрумен – жүрек қызметін жақсартады.
Сонымен қатар «С» дәруменіне бай жемістер мен көкөністер (көкбұрыш, орамжапырақ, қызанақ, шалқан. с. с) және «Д» дәрумені кездесетін тағамдар (балық, ірімшік, сүт, айран, уылдырық, май) тіс ауруына ұшырамауына, қатты және сау болып өсуіне көмектеседі.
Балалар жеміс - жидектер туралы тақпақ айтады.
Балалар жемістер туралы тақпақтар мәнерлеп, жатқа айтады.
Алмұрт – Айдар: Мен алмұртпын,
Аузындамын бар жұрттың,
Жүзім - Айсана: Мен жүзіммін, жүзіммін,
Моншақ болып үзілдім
Өрік – Жұлдыз: Мен өрікпін, өрікпін,
Табиғатқа көрікпін.
Алма - Аңсаған: Мен алмамын, алмамын,
Таңдай қалар бар дәмім.

Дайындаған: Немзорова С. А.
Жемістер. жүктеу