Оқу-ағарту бірінші вице-министрі Шолпан Ақпарова ОКҚ брифингінде еліміздегі мектептерде макияжға тыйым салу туралы ақпаратқа түсініктеме берді, деп хабарлайды infohub.kz сайты.
Журналистер желіде тараған мектеп оқушыларына макияжбен келуге тыйым салынғаны, ал ата-аналарға айыппұл салынуы мүмкін деген хабарламаларға назар аударды.
Ақпарова Оқу-ағарту министрлігінің бұйрығында макияжға нақты тыйым жоқ екенін түсіндірді. Алайда ол бірыңғай тәсілді қамтамасыз етуге бағытталған мектептердің үлгілік ішкі тәртіп ережелері мен жарғысы бар екенін атап өтті. "Себебі балалардың кішкентай кезінен макияжбен жүруі — бұл, ең алдымен, денсаулыққа зиян екенін түсінеміз. Осы мақсатта мектептер өз тәртіптерінде ата-аналардың балаларының мектеп ғимаратында макияжсыз болуын қамтамасыз етуін белгілей алады", — деді ол.
Вице-министр сондай-ақ мектептерде жарақаттаушы фурнитурасы бар аксессуарларды тағуға жол берілмейтінін, ал міндетті мектеп формасын бұзғаны үшін әкімшілік жауапкершілік қарастырылғанын еске салды. "Бірінші рет — ескерту. Жыл ішінде қайталап — айыппұл. Бұл жерде мектептерде жарақаттаушы фурнитурасы бар аксессуарларды тағуға жол берілмейтінін атап өткім келеді — бұл бұйрықта нақты реттелген", — деп қосты спикер.