Қазақстандық пойыздарда купедегі орындарды сату принципі өзгеруі мүмкін, бұл бейтаныс ерлер мен әйелдердің бірге орналасуына жол бермеуі керек. ҚТЖ мамандар бұл жүйені қазірдің өзінде зерттеп жатқанын хабарлады, деп хабарлайды infohub.kz сайты.
Талқылауға себеп болған — қазақстандық әйелдің Threads әлеуметтік желісіндегі жазбасы. Ол Түркиядағы теміржол билеттерін сату ережелеріне назар аударған. Оның айтуынша, егер купедегі бірінші орынды ер адам сатып алса, қалған орындар тек ерлерге ұсынылады. Алғашқы билетті әйел сатып алса, дәл осындай принцип қолданылады.
«Неге сіздер бізде, Қазақстанда, мұны әлі жасай алмайсыздар? Өтінемін», — деп ол ҚТЖ-ға жүгінген.
Компанияда мұндай механизм мамандардың назарына іліккенін айтты. «Бұл жүйені біздің мамандар қазірдің өзінде зерттеп жатыр. Әрі қарай жүйені енгізу мәселесі қарастырылатын болады», — деп мәлімдеді ҚТЖ-да.
Шешімнің қашан қабылданатыны және бұл опцияның қандай пойыздарда пайда болатыны әзірге белгісіз.
Сонымен қатар, Қазақстанда толық бөлек саяхаттау нұсқалары бар. Негізгі бағыттарда әйел жолаушыларға «әйелдер вагоны» қызметі қолжетімді. Бұған дейін 2 қыркүйекте Қазақстанда тағы бір әйелдер вагоны іске қосылғаны хабарланған болатын.