Қазақстан тұрғындарының жартысынан көбі әр қаланың өзіндік ерекше түсі бар деп санайды. «Золотое Яблоко» дүкендер желісі жүргізген сауалнамаға 18 жастан асқан 1300-ден астам адам қатысты. Алматылықтар мен оңтүстік астананың қонақтары қаланы көбінесе жасыл түспен байланыстырады — респонденттердің 57%-ы осылай жауап берген. Тағы 21% алтын немесе сары түсті, ал 19% көгілдірді таңдаған. Мұндай ассоциациялардың басты себептері — саябақтар мен гүлзарлардың көптігі, сондай-ақ мегаполистің жанды атмосферасы (жауаптардың 51%). Қатысушылардың 34%-ы жылы әрі шуақты климатты атаса, 15%-ы Зеленый базар мен Медеу сияқты танымал көрікті жерлерді еске алған, деп хабарлайды infohub.kz.
Астана графит және металл реңктерде көрінеді — сауалнамаға қатысқандардың 37%-ы осылай санайды. Респонденттердің 27%-ы ақ пен кремді немесе көгілдір түсті таңдаған. Астананың заманауи сәулеті басты себеп болды (53%), сондай-ақ қатысушылар ашық аспан мен қаланың іскерлік бейнесін атап өтті.
Шымкент алтын немесе сары түспен байланыстырылады (дауыстың 35%), жасылды 33%, қызылды 22% таңдаған. Алтын реңктер жарқын күнмен байланыстырылады (51%), ал қаланың жандылығы мен ашықтығын 40% атап өткен.
Басқа қалалардың ішінде Ақтау Каспий теңізіне байланысты көбінесе көгілдір түспен ассоциацияланады. Тараз бен Орал жасыл болып көрінеді, Қарағанды — металл немесе графит. Қызылорданы қатысушылардың 47%-ы қызыл түспен байланыстырған. Өскемен бірнеше реңкке ие болды: металл, жасыл және көк. Павлодар металл, құмды-бежевый және көгілдір түстермен, Атырау — құмды және металл реңктермен, Қостанай — жасылмен, ал Ақтөбе — графит және терракота түстерімен ассоциацияланады.
Бұған дейін Kursiv LifeStyle цифрлық көшпенділер үшін ең жақсы қалалар туралы хабарлаған болатын.