InfoHub Logo

Ашық сабақ
Тақырыбы: Қаратпа сөз
Қазақ тілі 3 сынып
Сабақтың атауы: Қаратпа сөз
Сілтеме: Қазақ тілі оқулығының әдістемесі
Сабақтың жабдығы: А - 3, интербелсенді тақта, үлестірмелі қағаз, суреттер, стикер, маркер, кесте, тест
Жалпы мақсаттар: 1. Қаратпа сөз және қаратпа сөздің тыныс белгілері туралы түсіндіру, сауатты, көркем жазуға машықтандыру.
2. Диалогтік сөйлеу дағдыларын дамыту.
3. Еңбексүйгіштікке баулу.
Оқыту нәтижесі
Күтілетін нәтиже: Қаратпа сөз және оның тыныс белгілері туралы ережесін біледі.
Сөйлем ішінен қаратпа сөзді таба алады.
Қаратпа сөзі бар сөйлем құрай алады.
Қаратпа сөздің тыныс белгілерін қоя алады.
Топқа бөлу: Мозайка арқылы топтастыру

Ынтымақтастық атмосферасы
Психологиялық тренинг.
Шеңбер жасап тұрайық
Қолымыздан ұстайық.
Сәттілік тілек бәріміз
Сабағымызды бастайық.

«Сіздер білмейсіздер?»
Үй тапсырмасын сұрау
«Мини тест» әдісі арқылы өткен сабақты қайталау.
Тест.
1. Кім? Не? Сұрақтарына жауап беретін сөйлемнің негізгі мүшесін..... дейміз.
а) бастауыш
ә) баяндауыш
б) тұрлаусыз мүшелер
2. Тек тұрлаулы мүшелерден қана тұратын сөйлем....... деп аталады.
а) жайылма сөйлем
ә) жалаң сөйлем
б) құрмалас сөйлем
3. Бастауыш та, баяндауыш та зат есімнен келсе, арасына.... қойылады.
а) сызықша
ә) үтір
б) нүкте
4. Дауыссыз дыбыстар қатары:
а) ы, і, ұ, ү
ә) в, ч, щ, х, һ, б, г, д, ж, з, л, м, н, б.
б) а, о, ә, е.
5. Етістіктің сұрақтары?
а) Не істеді? Не істейді?
ә) Кім? Не?
Б) Қандай? Қай?

Қызығушылықты ояту
«Күн сәулелері» - Барлығымыз өзімізді күн сәулесіміз деп елестетіп көрейік. Әрбір күн сәулесіне бүгін сабақта не үйренгің келетінін жазып іл.

Мағынаны тану
Жаңа сабақ
Сөйлегенде біреудің назарын өзіне аудару үшін айтылатын сөздер болады. Ондай сөздер қаратпа сөздер деп аталады.
Мысалы: Дина, кітабыңды берші.
Ережемен жұмыс
Қаратпа сөз - біреудің назарын аудару үшін қолданылатын сөздер. Ол сөйлемнің басында, ортасында, аяғында келеді. Мысалы:
1. Балалар, сабақтарыңды оқыңдар.
2. Сабақтарыңды, балалар, оқыңдар.
3. Сабақтарыңды оқыңдар, балалар.
4. Жолдастар! Бейбітшілік сақталсын!
Қаратпа сөздің тыныс белгілері.
1. Қаратпа сөз сөйлемнің басында келсе, одан кейін үтір қойылады.
2. Қаратпа сөз сөйлемнің ортасында келсе, үтір оның екі жағынан қойылады.
3. Қаратпа сөз сөйлемнің соңында келсе, үтір оның алдынан қойылады.
Қаратпа сөз сөйлемнің ішінде көтеріңкі дауыс ырғағымен айтылса, леп белгісі қойылады.
Шығармашылық диктант.
1 Өмір жасың ұзақ болсын,...!
2. Ой,...,...! Ойналық та күлелік.
2...., бұдан былай мақтанба, әркімнің өз өнері, өз орны бар.
4. Рақмет,...!
Керекті сөздер: Сәкен қарағым, балалар, балалар, балақай, балам.
Шығармашылық тапсырма.
Көп нүктенің орнына тиісті сурет аттарын өлең сөздеріне ұйқастырып жазып, қаратпа сөздерді табу.
1. Қарға, қарға, қарғалар,
Қар үстінде жорғалар.
2. Кекілік - ау, кекілік,
Кетіп қалма секіріп.
3. Сауысқан - ау, сауысқан,
Сақтанасың дауыстан.
4. Тырау, тырау, тырналар,
Тамаша әнін тыңдап ал
. Сөйлемдерді оқып, қаратпа сөздерді тап.
Балам, әрбір жер атауының өзіндік тарихы бар.
Қалай, балақай, тауға шыққан ұнай ма?
Біз саған сенім артамыз, Бақыт.
Тезірек жүрейік, қыздар, апай тосып қалды. үлкендерге не айту керек?

Ақтөбе облысы, Алға ауданы,
Новоукраин негізгі мектебі
Бастауыш сынып мұғалімі:
Ілияс Нұргүл Ұзақбайқызы

Қаратпа сөз. жүктеу