Сауда және интеграция министрлігі КАЗТЕСТ жүйесі бойынша мемлекеттік тілді білу деңгейін анықтау үшін тестілеу өткізді. Ведомствоның құрылымдық бөлімшелерінің қызметкерлері осы тестілеуден өтті, деп хабарлайды infohub.kz.
Тестілеу бетпе-бет форматта өткізіліп, қатысушылар үшін тегін болды. Министрлікте мұндай тексерудің басты мақсаты – мемлекеттік қызметшілердің қазақ тілін нақты меңгеру деңгейін анықтау және олардың тілдік құзыреттілігін бағалау екенін түсіндірді. Бұл мемлекеттік тілде кәсіби қызмет жүргізу дағдыларын одан әрі жетілдіру үшін қажет.
Тест нәтижелері қай мемлекеттік қызметшілерге қазақ тілін меңгеру деңгейін көтеру үшін қосымша курстардан өту қажет екенін көрсетеді. Айта кетейік, КАЗТЕСТ жүйесі бойынша тест тапсыру барлық мемлекеттік қызметшілер үшін міндетті – бұл мемлекеттік тіл саясатын іске асыру жөніндегі іс-шаралар жоспарында бекітілген.