Astanada jıyrma jyldan astam ýaqyt buryn jasalǵan kisi óltirý oqıǵasy ashyldy. Pavlodar oblysynyń eki turǵyny osy qylmysqa qatysy bar degen kúdikpen ustaldy, dep habarlaıdy infohub.kz saıty.
2005 jyldyń maýsym aıynda elordanyń shetinde zorlyq-zombylyq belgileri bar er adamnyń máıiti tabylǵan bolatyn. Sol kezde tikeleı dálelderdiń joqtyǵynan kinálilerdi anyqtaý múmkin bolmady.
Bıyl krımınaldyq polısıa qyzmetkerleri is materıaldaryna qaıta oraldy. Olar bolǵan oqıǵanyń beınesin qalpyna keltirip, keshendi jedel-izdestirý is-sharalaryn júrgizdi.
Dáleldemelik baza tam-tumdap jınalyp, qylmysqa Pavlodar oblysynyń eki turǵynynyń qatysy bar ekeni anyqtaldy. Tamyz aıynda eki kúdikti de ustaldy. Olar qylmys jasaǵandaryn moıyndady.
Tergeý barysynda kisi óltirý er adamdardyń mas kúıinde bolǵan janjal kezinde oryn alǵany anyqtaldy. Eki ustalǵan da qamaýǵa alyndy, tergeý jalǵasýda.
İİM krımınaldyq polısıa departamentiniń bastyǵy Qanat Nurmaǵambetov ótken jyldardaǵy qylmystardy ashý jáne jazanyń bultartpastyǵyn qamtamasyz etý polısıa jumysynyń basym baǵyttary bolyp qala beretinin jáne İİM-niń erekshe baqylaýynda ekenin atap ótti.