Abaı oblysyndaǵy Semeı – Kýrchatov tas jolynda bolǵan qaıǵyly jol-kólik oqıǵasy saldarynan tórt adam qaza tapty, onyń ishinde Tótenshe jaǵdaılar departamentiniń eki qyzmetkeri bar, dep habarlaıdy infohub.kz saıty.
Abaı oblysy TJD málimetinshe, 2026 jylǵy 26 tamyzda saǵat 15:30 shamasynda vedomstvoǵa jol-kólik oqıǵasy týraly habarlama túsken. Apat saldarynan tórt adam qaza tapqan, olardyń qatarynda aımaqtaǵy TJD-niń eki qyzmetkeri de bolǵan.
Departament baspasóz qyzmeti kóńil aıtty: «Departamenttiń jeke quramy men basshylyǵy qaza tapqandardyń otbasylaryna, týǵan-týystaryna jáne jaqyndaryna shyn júrekten kóńil aıtady. Bul aýyr qaıǵy jáne orny tolmas shyǵyn. Departament qaza tapqan qyzmetkerlerdiń otbasylaryna barlyq qajetti kómek pen qoldaýdy kórsetip, kórsete beredi».
Qazirgi ýaqytta Abaı oblysy TJD oqıǵaǵa baılanysty qyzmettik tergeý bastady. Onyń nátıjeleri boıynsha laýazymdy tulǵalardyń áreketterine obektıvti baǵa beriletin bolady.
Eske salaıyq, Semeı – Kýrchatov tas jolynyń 35-shaqyrymynda eki kólik soqtyǵysqan: Chevrolet Nexia jáne Kia Rio. Polısıanyń aldyn ala derekteri boıynsha, Chevrolet Nexia júrgizýshisi «GAZeldi» basyp ozý kezinde qarsy baǵytqa shyǵyp, Kia Rio-men betpe-bet soqtyǵysqan. Apat sáti beınege túsip qalǵan.
Soqtyǵysý saldarynan eki kóliktiń de júrgizýshileri men jolaýshylary oqıǵa ornynda qaza tapty. Sotqa deıingi tergeý bastaldy.