Abaı oblysynda polısıa qyzmetkerleri joq páterlerdi jalǵa berýge baılanysty birneshe alaıaqtyq jasady degen kúdikke ilingen Oral qalasynyń 22 jastaǵy turǵynyn ustady. Jas jigit tanymal ınternet-platformalarda táýliktik jalǵa berý týraly habarlandyrýlar ornalastyrǵan, dep habarlaıdy infohub.kz saıty.
Óńirlik polısıa departamentinde aıtylǵandaı, kúdikti áleýetti jalǵa alýshylarǵa aldyn ala tólem men kepildik aqsha aýdarýdy usynǵan, sodan keıin baılanysqa shyǵýdy toqtatqan. Jábirlenýshiler kórsetilgen mekenjaılarǵa kelgende, páterlerdiń eshqashan jalǵa berilmegeni anyqtalǵan.
Jedel-izdestirý is-sharalary barysynda tártip saqshylary kúdiktiniń tulǵasyn anyqtady. Ol Oral qalasynyń 22 jastaǵy turǵyny bolyp shyqty. Polısıa jarıalaǵan kadrlarda oryndyqta otyrǵan jas jigitti jerge qulatyp, ustap jatqany kórinedi. Qazir ol ýaqytsha ustaý ızolátoryna qamaldy.
Sotqa deıingi tergeý aıasynda ustalǵan adamnyń 40-tan astam alaıaqtyq epızodyna qatysy anyqtaldy. Jábirlenýshilerge keltirilgen zalaldyń aldyn ala somasy 750 myń teńgeden asady.
Alaıaqtyq faktileri boıynsha sotqa deıingi tergeý júrgizilýde. Polısıa qyzmetkerleri basqa da yqtımal jábirlenýshilerdi anyqtaýda.