Air Astana áýekompanıasy Qazaqstannan Dýbaıǵa turaqty reısterdi qaıta bastaıtynyn habarlady: Almatydan ushýlar 2026 jylǵy 1 qazanda, Astanadan 2 qazanda bastalady, al reıster jıiligi aı boıy birtindep artady, dep jazady infohub.kz saıty.
NUR.KZ tasymaldaýshynyń baspasóz qyzmetine silteme jasap habarlaǵandaı, Almaty — Dýbaı — Almaty baǵytynda áýekompanıa aptasyna tórt reısten bastaıdy. Astana — Dýbaı — Astana baǵyty boıynsha ushýlar aptasyna úsh reısten qaıta jalǵasady.
«Qazan aıynda ushý jıiligi birtindep artady: Almaty-Dýbaı-Almaty — 4 reısten bastalyp, aı sońyna qaraı aptasyna 12 reıske jetedi. Astana-Dýbaı-Astana — 3 reısten bastalyp, aı sońyna qaraı aptasyna 10 reıske deıin kóbeıedi», — delingen Air Astana habarlamasynda.
Áýekompanıa kestede ózgerister bolýy múmkin ekenin de eskertti. «Áýekompanıa aımaqtaǵy ahýaldy qadaǵalap otyr jáne Taıaý Shyǵystaǵy jaǵdaıǵa baılanysty ushý kestesin túzetýi múmkin, sondaı-aq qosymsha ózgerister bolsa, jolaýshylardy habardar etedi», — dep qosty Air Astana.
Buǵan deıin reısterdiń 30 qyrkúıekke deıin toqtatylǵany habarlanǵan. Oǵan deıin Air Astana Dýbaıǵa ushyp ketken Astanadan kelgen ushaqty keri qaıtarýǵa sheshim qabyldap, Taıaý Shyǵystaǵy janjaldyń órshýine baılanysty Almatydan reısti de toqtatqan.
Keıin Air Astana Birikken Arab Ámirlikterimen áýe qatynasyn toqtatty. Atap aıtqanda, 13 jáne 14 shildege josparlanǵan reıster joıyldy.