Atyraý oblysyndaǵy qaıǵyly oqıǵadan keıin Aqbaıan Muqanǵalıeva psıhıatrıalyq mekemeden shyǵyp, balalaryn alǵash ret kórdi. infohub.kz saıtynyń habarlaýynsha, Jangeldın aýylyndaǵy qaza tapqan otbasy músheleriniń qyzy ári qaryndasy, sondaı-aq sottalǵan Sultan Sársemálıevtiń burynǵy áıeli kámeletke tolmaǵandardy beıimdeý ortalyǵyndaǵy tórt balasymen kezdese aldy.
«Qazınform» MAA málimetinshe, Aqbaıan men Sultannyń balalary Atyraý oblysyndaǵy arnaýly ortalyqta turyp, bilim alýda. Eń kishkentaıy – bir jarym jasar uly – balalar úıinde tárbıelenýde. Kámeletke tolmaǵandardy beıimdeý ortalyǵynyń dırektory Kúndyz Gınıatova Muqanǵalıevanyń ótken aptada balalarymen alǵash ret kezdeskenin, al ekinshi kezdesý 1 qyrkúıekte ótkenin rastady.
Gınıatovanyń túsindirýinshe: «Ol balalarǵa olardyń zańdy ókili retinde keldi. Ata-ana quqyǵynan aıyrylmaǵan. Jalpy, balalarmen kezdesýler ár juma saıyn saǵat 17:00-den 19:00-ge deıin keste boıynsha uıymdastyrylady. Bul erekshelikti ol bastapqyda bilmegen. 27 tamyzda keldi. Keıin ol balalardy Bilim kúnimen quttyqtaýǵa kelgenin aıtyp, 1 qyrkúıekte olarmen kezdesti».
Ortalyq dırektory balalardyń densaýlyq jaǵdaıy men kóńil-kúıi jaqsy ekenin atap ótti. Balalardy ortalyqqa ornalastyrý týraly sheshimde olardyń bolý merzimi kórsetilmegen. Muqanǵalıevanyń týystary onyń balalaryn tanıtynyn, alaıda emdelýdi ol ári qaraı da jalǵastyratynyn habarlaıdy.
Eske salaıyq, bıylǵy jyldyń qańtarynda Atyraý oblysynda tórt adamnan turatyn otbasynyń joǵalǵany belgili bolǵan edi: er adam, onyń áıeli jáne olardyń eki eresek balasy. Aldymen egde jastaǵy jubaılardyń, keıin balalarynyń deneleri tabyldy. Kisi óltirýge kúdik burynǵy kúıeý bala Sultan Sársemálıevke tústi. Buǵan deıin aıyptalýshy qylmys sebebin ashyp aıtqan bolatyn, al prokýror oǵan ómir boıy bas bostandyǵynan aıyrý jazasyn suraǵan. 14 shildede Sársemálıev ómir boıy bas bostandyǵynan aıyrýǵa sottaldy.