Aqmola oblysynda 45 jastaǵy er adam iri ınternet-alaıaqtyqtyń qurbany boldy: ol óz páterin satyp, eki nesıe rásimdep, aqshany beıtanys adamdarǵa aýdarǵan, dep habarlaıdy infohub.kz saıty.
Oblystyq polısıa departamentiniń baspasóz qyzmetiniń málimetinshe, ótinish berýshi toǵyz kún boıy onymen Ádilet mınıstrliginiń qyzmetkerleri retinde tanysqan beıtanys adamdar habarlasqanyn aıtqan. Telefon áńgimeleri barysynda qylmyskerler er adamdy «saqtandyrý shotyn» ashýǵa jáne oǵan jeke jınaqtaryn aýdarýǵa kóndirgen.
Osy ańyzǵa sengen aqmolalyq páterin satyp qana qoımaı, eki nesıe de rásimdegen. Alynǵan qarajatty dropperlerge tıesili bank shottaryna aýdarǵan. Sonymen qatar ol páterdi satyp alý-satý mámilesi jalǵan dep, jyljymaıtyn múlikten aıyrylmaıtynyna senimdi bolǵan.
Nátıjesinde jalpy materıaldyq shyǵyn 7 mln 480 myń teńgeden asty. Osy fakti boıynsha tergeý júrgizilýde. Polıseıler qylmysqa qatysy bar adamdardy anyqtap jatyr.