Aqmola oblysynda ań aýlaý kezinde qaıǵyly oqıǵa boldy: qatysýshylardyń biri mert boldy. Oqıǵanyń mán-jaıyn infohub.kz saıty habarlaıdy.
Alty er adam Qaıyńdy aýylynyń mańyndaǵy ormanǵa elik ańdyp barǵan. Olar ańdy tez tapqanymen, kóp uzamaı oq atylyp, oqıǵa ańshylardyń biri úshin ajal boldy.
Jergilikti turǵyn Ulyqbek Ómirjanov: «Ýchaskelik maǵan qońyraý shalyp, ańshylar birin-biri atyp alǵanyn aıtty. Sosyn ornyn shamalap aıtty, men óz kóligimmen bardym. Olardy alyp kettim. Men kórdim, jatqan máıit bar edi. Oqtyń tıgeni kórinip tur. Myna jaqqa qaraı. Olar kezdeısoq birin-biri atyp alǵan. Butaq tıip, artynda kele jatqany, meniń estýimshe, atyp jibergen. Qysqasy, baqytsyz jaǵdaı», – dedi.
Qaıyńdy turǵyndary sol tańerteń alystan birneshe ret oq atylǵanyn estigenderin aıtty. Qaza tapqan adam 64 jasta edi. Qarýynan ajal oǵy atylǵan 43 jastaǵy ańshy ustaldy. Er adamdarda barlyq qajetti qujattar – ańshylyq joldamalar men ań aýlaýǵa ruqsattar bolǵany anyqtaldy.
Endi tragedıanyń tolyq beınesin tergeý anyqtaıdy.