Aqmola oblysynyń turǵyny astanadan páter satyp alýǵa tyrysyp, 10 mıllıon teńgesinen aıyryldy, dep habarlaıdy infohub.kz.
Polısıanyń anyqtaýynsha, birneshe jyl buryn tanys áıel atalǵan turǵynǵa Astanada páter satyp alýdy usynǵan. Ol páterdiń qamaýda ekenin, al rásimdeýge ýaqyt pen qosymsha shyǵyn qajet ekenin aıtqan.
2022 jyldan bastap jábirlenýshi tanysyna birneshe ret aqsha aýdarǵan. Kúdikti bul qarajatty ártúrli jarnalar, qyzmetter men uıymdastyrý máselelerin sheshýge jumsaıtynyn túsindirgen.
Birneshe jyl ishinde aýdarylǵan jalpy soma shamamen 10 mıllıon teńgeni quraǵan. Alaıda ýáde etilgen páter satyp alynbaǵan, aqshany qaıtarý múmkin bolmaǵan.
Máseleniń sheshilmegenin kórgen áıel polısıaǵa aryzdanǵan. Alaıaqtyq faktisi boıynsha qylmystyq is qozǵaldy. Qazirgi ýaqytta qajetti tergeý sharalary júrgizilip, oqıǵanyń barlyq mán-jaıy anyqtalýda.