Aqmola oblysynda mas kúıinde kólik júrgizgen, júrgizýshi kýáligi joq áıel ustaldy. Ol dostaryn úılerine jetkizgisi kelgenin aıtqan. Bul týraly infohub.kz saıty habarlaıdy.
Oqıǵa 24 tamyzda saǵat 02:27 shamasynda Býlandy aýylynda bolǵan. Patrúldik polısıa batalónynyń qyzmetkerleri Audi B4 kóligin baıqap, tekserýge toqtatpaq bolǵan. Alaıda júrgizýshi toqtaý talabyn elemeı, jyldamdyqty arttyryp, ári qaraı júre bergen.
Kólikti turǵyn úıdiń aýlasynda toqtata alǵan. Rólde áıel otyrǵan. Qujattaryn tekserý kezinde onyń júrgizýshi kýáligi joq ekeni anyqtalǵan. Sondaı-aq, áıelmen sóılesý barysynda polıseıler araq ishkenin sezgen.
Ustalǵan áıeldiń aıtýynsha, ol dostarymen kezdesip, bári birge ishimdik ishken. Keıin ol dostaryn úılerine jetkizý úshin kólikke otyrǵan. Kólik áıeldiń menshiginde eken.
Quqyq buzýshylyq faktisi boıynsha áıelge qatysty zańda kózdelgen sharalar qabyldanǵan.