AQSH-tan kelgen jas saıahatshy Shyǵys Qazaqstan oblysynda qıyn jaǵdaıǵa tap boldy, biraq oǵan burynnan erlik jasaǵan ýchaskelik ınspektor kómekke keldi, dep habarlaıdy infohub.kz saıty.
Almaty – Óskemen tas jolynyń 23-shaǵynaýdany mańynda Ýlan aýdanynyń ýchaskelik polısıa ınspektory Nurdáýlet Tótepov úlken rúkzagi bar jas jigittiń kólik toqtatpaq bolyp turǵanyn baıqady. Polıseı toqtap, kómek usyndy. 23 jastaǵy AQSh azamaty Spenser Qazaqstan boıynsha avtostoppen saıahattap, Almatyǵa bet alǵany belgili boldy.
Ýchaskelik ınspektor ony stasıonarlyq polısıa beketine deıin jetkizýdi usyndy. Jol-jónekeı olar áńgimelesti. Spenser Qazaqstanda saıahattaý múmkindigine qýanyshty ekenin aıtyp, jergilikti turǵyndardyń qonaqjaılylyǵy men meıirimdiligin erekshe atap ótti.
Beketke jetken soń Nurdáýlet Tótepov saıahatshyǵa joldas izdeýge kómektesti. Kóp uzamaı júrgizýshilerdiń biri Spenserdi Jarma aýdanyna deıin jetkizýge kelisti, al amerıkalyq ol jaqtan Almatyǵa qaraı jolyn jalǵastyrdy.
Aıta keteıik, 20 tamyzda Ýlan aýdanynyń Qasym Qaısenov aýylynda Nurdáýlet Tótepov qubyrdy tazalaý kezinde esin joǵaltqan eki jumysshyny qutqarý úshin káriz qudyǵyna túsken edi. Óz qaýipsizdigin oılamaı, ol ekeýine de syrtqa shyǵýǵa kómektesip, jedel járdem qyzmetkerlerine tapsyrdy.