Aqtaýda kámeletke tolmaǵan balalardyń emine qosymsha shyǵys óndirý týraly daý bitimgershilik kelisimmen aıaqtaldy: áke ár balaǵa aı saıyn belgili bir mólsherde aqsha tóleýge mindettendi, dep habarlaıdy infohub.kz saıty.
Mańǵystaý oblysy sottarynyń resmı Telegram-arnasynda málim bolǵandaı, kámeletke tolmaǵandar isteri jónindegi mamandandyrylǵan aýdanaralyq sotta áıeldiń erkekke qoıar talaby — kámeletke tolmaǵan balalardyń emine baılanysty qosymsha shyǵysqa alıment óndirý týraly azamattyq is qaraldy.
Sot talqylaýy barysynda taraptardyń 2020 jáne 2023 jyly týǵan eki kámeletke tolmaǵan balasy bar ekeni anyqtaldy. Olar anasymen birge turady jáne únemi emdelý men ońaltýǵa muqtaj. Balalar logoped-defektolog pen psıhologtyń sabaqtaryna qatysady, logomassaj, emdik jáne beıimdeý dene shynyqtyrýyn alady.
Balalardy únemi emdeý men ońaltý qajettiligine baılanysty anasy sotqa olardyń emine baılanysty qosymsha shyǵysty óteý týraly talap qoıdy.
Bitimgershilik rásimderi barysynda taraptar ózara kelisimge kelip, sottan aralarynda jasalǵan bitimgershilik kelisimdi bekitýdi jazbasha surady.
Qazaqstan Respýblıkasynyń «Neke (erli-zaıyptylyq) jáne otbasy týraly» kodeksiniń 144-babyna sáıkes ata-ana kómekke muqtaj kámeletke tolmaǵan balalardy asyraý men emdeýge ketetin qosymsha shyǵysqa qatysýǵa mindetti.
Sottyń 2026 jylǵy 14 tamyzdaǵy uıǵarymymen taraptar arasynda jasalǵan bitimgershilik kelisim bekitildi.
Bitimgershilik kelisimniń sharttaryna sáıkes jaýapker balalardyń emine baılanysty qosymsha shyǵysty turaqty aqshalaı somamen — ár balaǵa aı saıyn 35 aılyq eseptik kórsetkish (2026 jyly 151 375 teńge) mólsherinde, ıaǵnı barlyǵy 302 750 teńge tóleýge, olar kámeletke tolǵanǵa deıin mindettendi.
Sot uıǵarymy zańdy kúshine endi.