Aqtóbede belgili advokat alaıaqtyqqa oqtalý jáne para berýge azǵyzý úshin tórt jylǵa bas bostandyǵynan aıyryldy, dep habarlaıdy infohub.kz saıty.
NUR.KZ agenttigi «Dıapazon» basylymyna silteme jasap habarlaǵandaı, is materıaldarynda G.R. dep kórsetilgen advokatqa qatysty qylmystyq is Aqtóbe sotynda qaraldy.
Aıyptaý boıynsha, basqa is boıynsha sottalǵan adam jazasynyń ótelmegen bóligin neǵurlym jeńil jaza túrine aýystyrý týraly ótinish bergen. Bul týraly sot pen prokýratýrada tanystary bar advokat bilip, sottalǵan adamǵa máseleni sheshe alatynyn aıtqan, alaıda ol úshin 5 mln teńge qajet bolǵan.
Aqshany advokat alǵan soń ustaldy. Basylym habarlaǵandaı, onyń sýdıamen jáne prokýrormen eshqandaı kelisimi bolmaǵan, mıllıondardy ózine qaldyrmaq bolǵan.
Sotta advokat alaıaqtyqqa oqtalý boıynsha kinásin moıyndap, bas bostandyǵynan aıyrylmaýdy surady. Sot ony eki bap boıynsha da kináli dep tanyp, 4 jylǵa bas bostandyǵynan aıyrý jazasyn kesti jáne memlekettik qyzmette laýazym atqarý quqyǵynan ómir boıy aıyrdy.