Aqtóbede anasyn óltirip, ájesine shabýyl jasady dep aıyptalǵan 16 jasar jasóspirimge qatysty sot prosesi bastaldy. Oqýshy qazir psıhıatrıalyq aýrýhanada jatyr jáne sot otyrystaryna qatyspaıdy, dep habarlaıdy infohub.kz saıty.
Qaıǵyly oqıǵa 2025 jyldyń jeltoqsanynda qaladaǵy kópqabatty úılerdiń birinde bolǵan. Tergeý derekteri boıynsha, jasóspirim anasy men ájesine pyshaqpen shabýyl jasaǵan. Zeınetker áıel aman qalǵan, al anasy alǵan jaraqattarynan qaıtys bolǵan.
Saraptama qorytyndysy boıynsha, jasóspirimge paranoıdty shızofrenıa dıagnozy qoıylǵan. Mamandar onyń shabýyl kezinde óz áreketteriniń sıpatyn túsinbegen degen qorytyndyǵa kelgen.
Sotqa jasóspirimniń ákesi men ájesi keldi. Olar jýrnalıserden ózderin túsirmeýin surap, pikir bildirýden bas tartty.
Oqıǵanyń mán-jaıyn sot otyrysynda Aqtóbe oblystyq prokýratýrasy basqarmasynyń aǵa prokýrory Eldar Ábıev aıtty.
«Jasóspirim as úıde bolǵan, anasy oǵan úlgerimi týraly eskertý jasaǵan. Osydan keıin ol rakovınanyń ústindegi shkafty ashyp, qara tutqaly pyshaqty kórip, alyp, áıeldi basqa bólmege deıin qýǵan. Sol jerde oǵan denesiniń ártúrli jerine birneshe ret pyshaq jaraqatyn salǵan. Alǵan jaraqattarynan anasy oqıǵa ornynda qaıtys boldy», — dedi prokýror.