Aqtóbe turǵyndary memlekettik satyp alýdan tabys tabýǵa ýáde etilgen usynysqa senip, 100 mln teńgeden astam aqshasynan aıyryldy. Olarǵa ınvestısıalyq sqemany tender mektebinde oqyǵannan keıin usynǵan, dep habarlaıdy infohub.kz saıty.
Zardap shekkenderdiń aıtýynsha, áýeli olardy memlekettik satyp alýǵa qatysýǵa jáne tenderlerdi utyp alý joldaryna úıretken. Keıin oqýshylarǵa mekteptiń basqa túlekteri alǵan tapsyrystardy oryndaýǵa aqsha salý usynylǵan.
Uıymdastyrýshylar, zardap shekkenderdiń sózinshe, muny jańadan bastaǵan jetkizýshilerge qajetti taýarlardy satyp alýǵa qarajat árdaıym jetpeıtindigimen túsindirgen. Investorlarǵa lotty tóleýdi usynyp, onyń ornyna birneshe aı ishinde syıaqy tóleýge ýáde bergen.
«Bastapqyda shart – biz oqýshy bolýymyz kerek. Tek oqýshylar ǵana ınvestısıa sala alady. Ol munyń bárin Instagram-da kórsetedi, onyń aýdıtorıasy óte úlken. Osylaısha aqsha tabýǵa bolatynyn kórsetedi: ıaǵnı ınvestısıa tartasyń, aqsha beresiń, óziń eshteńe istemeısiń. Basqa oqýshy sol arqyly ıgilik úshin jumys isteıdi, al sen ústinen syıaqy alasyń», – dedi Aıman Shýrıeva.
Ýádelerge sengen aqtóbelikter iri somalardy tapsyrǵan. Alaıda zardap shekkenderdiń tujyrymynsha, olar ne ýáde etilgen tabysty, ne salǵan qarajatyn qaıtaryp ala almaǵan. Olardyń esebi boıynsha, jalpy shyǵyn 100 mln teńgeden asqan.
Polısıaǵa jeti adam aryzdanǵan. Kúdikti úıqamaqqa jiberilgen, alaıda zardap shekkender ony qamaýǵa alýdy talap etýde. Olar er adamnyń aqsha tartýdy jalǵastyryp, qylmystyq iske qatysýshylarǵa yqpal etýi múmkin dep qaýiptenedi.
«Qalanyń jeti turǵyny 33 jastaǵy jergilikti turǵynǵa qatysty shara qoldaný týraly aryzben júgindi. Ol ınvestısıalyq qyzmet júrgizý syltaýymen aldaý jolymen olardyń aqshalaı qarajatyn ıemdengen. Osy fakti boıynsha qylmystyq is tirkeldi», – dedi Aqtóbe oblysy polısıa departamentinde.
İs boıynsha sotqa deıingi tergeý júrgizilýde. Polısıa ózge málimetterdi ázirge jarıalaǵan joq.