Aqtóbede júrgizýshilerdi aldaýdyń erekshe sqemasy áshkerelendi: er adam jol-kólik oqıǵasyn sahnalap, zardap shekken jaıaý júrginshiniń keıpine enip, aqsha tartyp alǵan, dep habarlaıdy infohub.kz saıty.
Aqtóbe oblysy polısıa departamentiniń málimetinshe, oqıǵalar Jıenbaev pen Tashkent kósheleriniń qıylysynda bolǵan. Er adam ózin kólik qaǵyp ketkendeı kórinis jasaǵan.
«Sodan keıin ol júrgizýshilerge júginip, kólik qaǵyp ketýinen dene jaraqatyn alǵanyn aıtyp, aqsha talap etken. Anyqtalǵandaı, er adam bul sqemany eki ret iske asyrǵan. Bir jaǵdaıda júrgizýshi onyń áńgimesine senip, mobıldi qosymsha arqyly 250 myń teńge aýdarǵan, ekinshisinde — 200 myń teńge. Jalpy shyǵyn 450 myń teńgeni qurady», — dedi Aqtóbe oblysy polısıa departamentinde.
Júrgizýshilerdiń biri bolǵan jaǵdaıdy oılanyp, polısıaǵa júginýge sheshim qabyldady. Tekserý barysynda aqparat rastaldy. Er adam kúdikti dep tanyldy.
İs boıynsha bolǵan oqıǵanyń barlyq mán-jaıyn anyqtaýǵa baǵyttalǵan qajetti tergeý áreketteri júrgizilýde.