Alakól kólinde úrlemeli qaıyq isten shyǵyp, alty adam, onyń ishinde tórt bala, qaýipti jaǵdaıda qaldy. Bul týraly infohub.kz habarlady.
Abaı oblysy Tótenshe jaǵdaılar departamentiniń jedel-qutqarý jasaǵyna kómek týraly habar kelip tústi. Maqanshy aýyly mańyndaǵy Araltóbe aralynda demalyp júrgen adamdar jaǵaǵa óz betimen shyǵa almaǵany aıtyldy.
«Qutqarýshylar izdeýge shyqty. Adamdar bar qaıyqty jaǵadan shamamen 11 shaqyrym qashyqtyqta tapty. Bortta alty adam – eki eresek jáne tórt bala bolǵan. TJM qyzmetkerleri barlyq demalysshylardy aman-esen evakýasıalap, jaǵaǵa jetkizdi. Baqytymyzǵa oraı, eshkimge medısınalyq kómek qajet bolmady», – dedi TJM-de.
TJM mamandary sýǵa shyǵar aldynda qaıyq pen jabdyqtyń jaramdylyǵyn tekserýdi, aýa raıyn eskerýdi jáne baılanys quraldary men qutqarý keýdeshelerinsiz alysqa júzbeýdi eskertti.
Buǵan deıin Jetisý oblysyndaǵy Alakólde otbasylyq demalys kezinde bolǵan eki qaıǵyly oqıǵa habarlanǵan bolatyn. Birinshi jaǵdaıda kólde eki gıdrosıkl soqtyǵysyp, saldarynan bir adam qaza taýyp, taǵy bireýi jaralanǵan. Ekinshi oqıǵada 70 jastaǵy áıel keri jyljyp bara jatqan paromnyń astyna túsip, eki aıaǵynan aıyrylǵan.