Pavlodar oblysynda alıment boıynsha 279 boryshker oıyn shotyn tolyqtyryp, stavka jasaı alǵan. Olardyń jalpy jumsaǵan somasy 600 mln teńgeden asty. Bul týraly infohub.kz saıty oblys prokýratýrasyna silteme jasap habarlaıdy.
Sonymen qatar, boryshkerler shottardan 415 mln teńge aqsha shyǵarǵan. Qumar oıyndarǵa qatysqandardyń ishinde 97 adam alıment tólemeıtin qasaqana boryshkerler bolyp tabylady.
«Qazaqstan Respýblıkasynyń „Qumar oıyn bıznesi týraly“ zańynyń talaptaryn buza otyryp, alıment boıynsha 279 boryshker óz oıyn shottaryn esh kedergisiz tolyqtyryp, qumar oıyndarǵa qatysqan», — dedi prokýratýrada.
Tekserý qorytyndysy boıynsha vedomstvo Qumar oıyn bıznesi men lotereıany retteý komıtetine prokýrorlyq qadaǵalaý aktisin engizdi.
Osydan keıin býkmekerlik keńseler Biryńǵaı stavkalar men tólemderdi esepke alý júıesine qosyla bastady. Bul júıe klıentterdi boryshkerler tizilimi boıynsha avtomatty túrde tekseredi jáne atqarýshylyq qujattar boıynsha oryndalmaǵan mindettemeleri bar adamdardyń qumar oıyndarǵa qol jetkizýin shekteıdi.
Qazirgi ýaqytta jeti býkmekerlik keńse ıntegrasıany aıaqtady, taǵy on operator tıisti kelisimderge qol qoıdy.
Prokýratýrada atap ótkendeı, qabyldanǵan sharalar býkmekerlik naryqqa memlekettik baqylaýdy kúsheıtýge, boryshkerlerdiń qumar oıyndarǵa qol jetkizýin shekteýge jáne alımentterdi óndirip alý tıimdiligin arttyrýǵa múmkindik beredi.