Almatyda megapolıste salynyp jatqan zamanaýı stadıonnyń beınejazbasy tanystyryldy. Buǵan deıin qala turǵyndaryna sport nysanynyń maketi kórsetilgen edi, endi onyń kelbeti dınamıkada kórsetildi, dep habarlaıdy infohub.kz.
Almaty damý ortalyǵy óziniń Instagram paraqshasynda jańa stadıonnyń qandaı bolatynyn kórsetetin beıneni jarıalady. Boljam boıynsha, vızýalızasıa jasandy ıntellekt kómegimen jasalǵan.
«Búgin — qurylys alańy, erteń — 45 myń jankúıerge arnalǵan fýtbol stadıony. Arena ÝEFA-nyń tórtinshi sanatynyń talaptaryna saı salynyp, halyqaralyq machtardy qabyldaıtyn bolady», — delingen beınejazbanyń sıpattamasynda.
Eske salaıyq, 2025 jyldyń tamyz aıynda Almatyda halyqaralyq deńgeıdegi zamanaýı stadıon salý jospary belgili bolǵan edi. Sol kezde bılik Ortalyq stadıonnyń taǵdyry týraly da aıtqan bolatyn. Sol jyldyń jeltoqsanynda arena 35 myń orynǵa esepteletini habarlanyp, nysannyń maketi jarıalanǵan edi.
Alaıda jaqynda Almaty ákimdigi ÝEFA standarttaryna saı salynyp jatqan stadıon 35 myń emes, 45 myń kórermenge arnalatynyn jáne onyń syrtqy kelbeti de ózgergenin naqtylady.