Almaty turǵyndary áleýmettik jelilerde bir áıeldiń ótip bara jatqandarǵa shabýyl jasap, olarǵa tas laqtyryp júrgenin beınejazbalar arqyly taratyp jatyr, dep habarlaıdy infohub.kz saıty.
Threads jelisindegi makpal.yessenamanova degen paıdalanýshy qala kósheleriniń birinde er adam men áıeldiń arasyndaǵy janjal túsirilgen beınejazba jarıalady. Pikirlerde basqa da almatylyqtar ózderiniń jazbalarymen bólise bastady, olardyń aıtýynsha, onda da sol áıel beınelengen. Megapolıs turǵyndarynyń sózinshe, ol ótip bara jatqandarǵa tas laqtyryp, olardyń basyn kózdeıdi.
Jarıalanymǵa Almaty polısıa departamenti jaýap berdi. «Áleýmettik jelilerdi monıtorıńteý barysynda áıeldiń ótip bara jatqandarǵa qatysty ózin adekvatsyz ustaǵany túsirilgen beıne tabyldy. Bostandyq aýdanynyń PB-da materıal tirkeldi. Sol kúni saǵat 17:44-te Rozybakıev kóshesinde belgisiz áıel ótip bara jatqan kólikterge tas laqtyryp jatqany týraly habarlama tústi. Kelgen polısıa qyzmetkerleri 1999 jyly týǵan áıeldi ustap, aýdandyq polısıa basqarmasyna jetkizdi», — dedi quqyq qorǵaý organdary.