Almatyda Hyundai kóliginiń júrgizýshisi Raıymbek dańǵylynda jol qozǵalysy erejelerin óreskel buzǵany úshin jaýapkershilikke tartyldy. Sot sheshimimen ol 30 táýlikke qamaýǵa alyndy, dep habarlaıdy infohub.kz saıty.
Almaty polısıa departamentiniń baspasóz qyzmetiniń málimetinshe, áleýmettik jelilerde Hyundai Elantra júrgizýshisiniń Raıymbek dańǵylynda jol qozǵalysy erejelerin óreskel buzǵany kórsetilgen vıdeo taraǵan. Polıseıler buzýshynyń jeke basyn tez anyqtady — ol Almatynyń 23 jastaǵy turǵyny bolyp shyqty.
Jol qozǵalysy erejelerin óreskel buzǵany úshin ol birneshe bap boıynsha ákimshilik jaýapkershilikke tartyldy: qaýipti manevr jasaý, memlekettik nómir belgisinsiz júrý, tonırovka, jol belgileriniń talaptaryn saqtamaý jáne tıisti qujattarsyz kólik júrgizý.
İs materıaldary Almaty qalasynyń mamandandyrylǵan aýdanaralyq ákimshilik sotyna jiberildi. Sýdıa almatylyqqa 30 táýlik ákimshilik qamaý jáne 100 AEK-ten asatyn, ıaǵnı 432 500 teńge kóleminde aıyppul taǵaıyndady.