Almatyda 4-13 qyrkúıek aralyǵynda Ortalyq jáne Taldy kósheleriniń Qakımbek Salyqov kóshesinen Jáńgir han kóshesine deıingi bóliginde kólik qozǵalysy shekteledi. Bul týraly infohub.kz saıty habarlaıdy.
«Alataý Jaryq Kompanıasy» AQ-nyń túsindirýinshe, jumystardy júrgizý qajettiligi №2353 jáne №2363 220 kV áýe jelileriniń zaqymdanýyna baılanysty týyndap otyr. Sonyń saldarynan Almaty qalasy men Almaty aglomerasıasyn senimdi elektrmen jabdyqtaýdy qamtamasyz etetin 220 kV jelisiniń saqınalyq sqemasy buzylǵan.
Elektrmen jabdyqtaýdyń senimdi sqemasyn qalpyna keltirý úshin kompanıa mamandaryna Ortalyq jáne Taldy kósheleri aýdanyndaǵy zaqymdalǵan kabeldik ýchaskede avarıalyq-qalpyna keltirý jumystaryn qysqa merzimde oryndaý qajet.
Jumystar barlyq qajetti qaýipsizdik sharalaryn saqtaı otyryp, táýlik boıy júrgiziletin bolady. Qala turǵyndary men qonaqtarynan jol marshrýttaryn aldyn ala josparlap, qajetti jumystardy júrgizýge baılanysty ýaqytsha qolaısyzdyqtardy túsinistikpen qabyldaýlaryn suraıdy.