Jyl basynan beri Nazarbaev dańǵyly, 120 jáne 124 mekenjaılarynda ornalasqan 11 oıyn-saýyq mekemesine qatysty polısıaǵa 167 shaqyrý tústi. Mańaıdaǵy úı turǵyndary shý men qoǵamdyq tártiptiń buzylýyna shaǵymdanýda. Anyqtalǵan derekter boıynsha polıseıler 257 ákimshilik hattama jasady. Mekeme basshylaryna buzýshylyqtardy joıý týraly usynystar joldandy. Shara qoldanbaǵany nemese jaýap bermegeni úshin taǵy 11 hattama jazyldy, dep habarlaıdy infohub.kz saıty.
«Bul ýchaske polısıanyń erekshe baqylaýynda. Biz tek jasalǵan quqyq buzýshylyqtarǵa ǵana emes, turǵyndardyń ótinishterine de jaýap beremiz. Ieleri túsinýi kerek: oıyn-saýyq mekemesiniń jumysyn uıymdastyrý irgeles aýmaqtaǵy tártipke jaýapkershilikti bildiredi», — dedi Almaty qalalyq PD qoǵamdyq qaýipsizdik basqarmasynyń bastyǵy Tımýr Noǵaıbaev.
Polısıa osy mekemelerge qatysty profılaktıkalyq jáne baqylaý is-sharalaryn jalǵastyrady.
Buǵan deıin Almatydaǵy Medeý aýdany, Nazarbaev kóshesinde Shoqan Ýálıhanov beınelengen jasandy ıntellektpen jasalǵan banner paıda bolǵan edi. Threads áleýmettik jelisindegi jazbanyń astyndaǵy pikirlerde paıdalanýshylar másele mátinde ǵana emes, sýrettiń ózinde ekenin atap ótti. Ýálıhanovtyń portretinde tarıhı shyndyqqa sáıkes kelmeıtin bas kıim beınelengen.