Almatyda birden bes kólik qatysqan jappaı jol apaty boldy. Oqıǵaǵa urlanǵan sheteldik kólikti tizgindegen júrgizýshi kúdikti bolyp otyr. Bul týraly qalalyq polısıaǵa silteme jasap, NUR.KZ tilshisi habarlady, dep jazady infohub.kz saıty.
Almaty qalalyq polısıa departamentiniń baspasóz qyzmeti naqtylaǵandaı, jol-kólik oqıǵasy búgin, 15 qyrkúıekte saǵat 12:00 shamasynda Úlken Almaty kanalynyń boıynda bolǵan.
«Aldyn ala derekterge sáıkes, Nissan kóliginiń júrgizýshisi Úlken Almaty kanalynyń boıymen shyǵys baǵytta kele jatyp, Sarbastaý kóshesinen batysqa qaraı rúldi basqara almaı, aldynda kele jatqan Mitsubishi kóligimen soqtyǵysqan. Soqtyǵysý saldarynan ınersıamen taǵy birneshe kólik soqtyǵysqan», — dedi polısıada.
Nissan jáne Mitsubishi kólikteriniń júrgizýshileri qajetti kómek kórsetý úshin medısınalyq mekemege jetkizilgeni belgili boldy.
«Tekserý barysynda Nissan kóligin júrgizýshi kórshisinen zańsyz ıemdengeni de anyqtaldy. Urlyq faktisi boıynsha Alataý aýdandyq polısıa basqarmasy qylmystyq is qozǵady. Oqıǵanyń mán-jaıy anyqtalýda», — dep qosty Almaty polısıa departamentinde.
Sol ýaqytta jelide apat ornynan kýágerlerdiń túsirgen kadrlary paıda boldy.