Almaty onkologıalyq ortalyǵynda dári-dármekterdi saqtaý, daıyndaý jáne berý prosesterin avtomattandyratyn robottandyrylǵan dárihana júıesi engizildi. Bul júıe ár kezeńde baqylaýdy qamtamasyz etedi, dep habarlaıdy infohub.kz saıty.
Qazaqstan Respýblıkasy Densaýlyq saqtaý mınıstrliginde atap ótkendeı, árbir preparatqa jeke sıfrlyq kod beriledi, bul onyń dárihanaǵa túsken sátten bastap pasıentke berilgenge deıingi jolyn qadaǵalaýǵa múmkindik beredi. Bul preparattardy daıyndaý jáne dozalardy saqtaý kezinde qatelik qaýpin barynsha azaıtady. Dárilerdi suıyltý jabyq germetıkalyq ortada júzege asyrylady, bul ásirese onkologıalyq qyzmet úshin mańyzdy, munda dáldik pen qaýipsizdik emdeý sapasyna tikeleı áser etedi.
Tehnologıany engizý Almatydaǵy onkologıalyq kómek kóleminiń artýy aıasynda júrip jatyr. Qazirgi ýaqytta esepte 38 myńnan astam pasıent tur, jyl saıyn 27 myńnan astam adam emdeledi. Sońǵy segiz jylda ortalyqtaǵy medısınalyq kómek kólemi 2,5 esege ósti, al pasıentterdiń bes jyldyq ómir súrý deńgeıi 46%-dan 75%-ǵa deıin artty.