Almatyda bes qabatty turǵyn úıdiń tórtinshi qabatyndaǵy páterde órt boldy. Qatty tútindený saldarynan qutqarýshylar turǵyndardy baspaldaqpen evakýasıalaýǵa májbúr boldy. Qutqarylǵandardyń ishinde bes kámeletke tolmaǵan bala bar, dep habarlaıdy infohub.kz.
Oqıǵa Turǵyt Ozal kóshesindegi úıde boldy. Alǵashqy órt sóndirý bólimsheleri kelgen kezde kireberis qatty tútindengen bolatyn.
Órtti barlaý jáne sóndirý kezinde TJD qyzmetkerleri ǵımarattan alty adamdy, onyń ishinde bes balany alyp shyqty.
«Órtti barlaý jáne sóndirý kezinde TJD kúshterimen baspaldaq arqyly ǵımarattan alty adam, onyń ishinde bes bala qutqaryldy», — dep habarlady Tótenshe jaǵdaılar mınıstrligi.
Órt tolyǵymen sóndirildi. Vedomstvonyń málimetinshe, zardap shekkender joq.