Almatydaǵy Adı Sháripov kóshesindegi turǵyn úı kesheninde bolǵan órtten alty adam medısınalyq kómekke júgindi, onyń tórteýi aýrýhanaǵa jatqyzyldy, dep habarlaıdy infohub.kz.
İri órt 23 tamyzda Almatydaǵy turǵyn úı keshenderiniń birinde boldy. Qalalyq qoǵamdyq densaýlyq saqtaý basqarmasynyń málimetinshe, alty zardap shekkenge medısınalyq kómek qajet boldy.
Zardap shekkenderdiń úsheýi Qalalyq jedel járdem aýrýhanasyna jetkizildi. Basqarmadaǵylardyń aıtýynsha, tekserý nátıjesinde bir áıel aýrýhanaǵa jatqyzyldy, ekeýi ambýlatorıalyq baqylaýǵa jiberildi.
Taǵy eki zardap shekken Ortalyq qalalyq klınıkalyq aýrýhanada jatyr, olarǵa qajetti medısınalyq kómek kórsetilýde, dep naqtylady qalalyq densaýlyq saqtaý basqarmasy.
Vedomstvoda bólek kámeletke tolmaǵan zardap shekken týraly habarlady. Medısınalyq tekserýden keıin dárigerler odan ári baqylaý boıynsha usynystar berdi, alaıda onyń jaqyndary aýrýhanaǵa jatqyzýdan bas tartty.
Eske salaıyq, keshe Almatydaǵy turǵyn úı keshenderiniń birinde órt bolǵany belgili boldy. Órt kezinde zardap shekkenderdiń biri, kelgen dárigerlerdiń reanımasıalyq sharalaryna qaramastan, qaıtys boldy.