Almatyda quqyq qorǵaý organdary qyzmetkerleriniń laýazymdyq ókilettigin asyra paıdalanýy týraly qylmystyq is tergelip jatyr. İske segiz adam tartyldy, dep habarlaıdy infohub.kz saıty.
«QazAqparat» habarlaýynsha, áleýmettik jelilerde segiz adamnan turatyn toptyń ustalǵany týraly aqparat tarady. Olardyń tórteýi — qazirgi qyzmettegi organ qyzmetkerleri, taǵy tórteýi ár jyldary jumystan shyǵarylǵan.
Agenttik dereginshe, ustalǵandar esirtki zattaryn tutynatyn adamdardan aqsha bopsalaǵany úshin kúdikke ilingen. Kúdiktiler «zakladchık» dep atalatyndardy baqylap, olarǵa qylmystyq jaýapkershilik qorqytýyn aıtyp, iri kólemde aqsha berýge májbúrlegen.
Almaty qalasynyń prokýratýrasy organdardyń laýazymdy tulǵalaryna qatysty tergeý bastalǵanyn rastady.
«Almaty qalasy boıynsha UQK tergeý bólimi quqyq qorǵaý organdarynyń laýazymdy tulǵalaryna qatysty laýazymdyq ókilettigin asyra paıdalaný faktisi boıynsha sotqa deıingi tergeýdi bastaǵanyn habarlaımyz. Sotqa deıingi tergeýge qatysty ózge málimetter jarıalaýǵa jatpaıdy (QR QİJK 201-baby)», — dedi prokýratýrada.