Áleýmettik jelilerde Almaty turǵynynyń úndeýi tarady. Ol qaladaǵy bazarlardyń birinde bolǵan aýyzsha janjaldan keıin polısıa qyzmetkerlerin áreketsizdik tanytty dep aıyptady. Threads jelisindegi jazba avtorynyń aıtýynsha, onyń jubaıy ózine qaratylǵan balaǵat pen ádepsiz sózderden keıin polısıa shaqyrǵan, dep habarlaıdy infohub.kz saıty.
«Oqıǵa ornyna polısıa qyzmetkerleri kelip, aryzdy qabyldady. Biraq jaǵdaıdy anyqtap, tıisti shara qoldanýdyń ornyna, kúıeýimdi balaǵattaǵan adamdy jaı ǵana jiberip qoıdy. (...) Sońynda balaǵattaǵan adam polısıa qyzmetkerlerimen qol alysyp, tynysh ketip qaldy», — delingen habarlamada.
Jazba astyndaǵy pikirlerde Almaty polısıa departamenti 12 qyrkúıekte «102» púltine janjal týraly habarlama túskenin rastady. Qyzmetkerler kelgende azamattar arasynda aýyzsha janjal bolǵany, onyń barysynda bir qatysýshy ádepsiz sózder aıtyp, ózin agressıvti ustaǵany anyqtaldy.
«Osy derek boıynsha quqyq buzýshyǵa qatysty ýchaskelik polısıa ınspektorlary QR ÁQBtK-niń 434-baby «Usaq buzaqylyq» boıynsha ákimshilik hattama toltyrdy. Materıaldar prosestik sheshim qabyldaý úshin sotqa jiberildi», — dep sendirdi polısıada.