Almatyda «Quqyqtyq tártip» jedel-profılaktıkalyq is-sharasy bastaldy. Onyń aıasynda polısıanyń barlyq kúshteri kúsheıtilgen qyzmet rejımine aýystyryldy, dep habarlaıdy infohub.kz saıty.
Almaty qalalyq PD Instagram-paraqshasynda habarlanǵandaı, Abaı alańynda jeke quramnyń biryńǵaı sapqa turýy ótti. Basshylar qyzmetkerlerdiń, qyzmettik kólikterdiń jáne arnaıy tehnıkanyń daıyndyǵyn tekserdi.
Polıseıler kóshelerge, aýlalarǵa jáne qala turǵyndary kóp jınalatyn oryndarǵa erekshe nazar aýdarady. Joǵary nazardy qajet etetin basqa da ýchaskelerde patrúldeý kúsheıtiledi.
«Jeke quram aldynda naqty mindetter qoıyldy – azamattardyń qaýipsizdigin qamtamasyz etý, quqyq buzýshylyqtar men qylmystardyń aldyn alý, kez kelgen zańsyz áreketterdi ýaqytyly toqtatý», – dep atap ótti Aıdyn Qabduldınov.
Ol sondaı-aq qyzmetkerlerdi tek jasalǵan quqyq buzýshylyqtarǵa áreket etýmen shektelmeýge shaqyrdy.
«Tek jasalǵan quqyq buzýshylyqtarǵa jedel áreket etý ǵana emes, aldyn alý jumystaryn júrgizý de mańyzdy. Árbir qyzmetker Almaty turǵyndary men qonaqtarynyń qaýipsizdigi úshin óz jaýapkershiligin naqty túsinýi kerek», – dedi Aıdyn Qabduldınov.