2026 jyldyń basynan beri Almaty qalasynyń quqyq qorǵaý organdary zańsyz aınalymnan jalpy salmaǵy 235 keli bolatyn 4 270 dana sýyq qarýdy tárkiledi, dep habarlaıdy infohub.kz saıty.
Polısıa departamentinde atap ótkendeı, tárkilengen zattardyń arasynda pyshaqtar, dýbınkalar jáne basqa da qaýipti zattar bar. Osyǵan baılanysty tártip saqshylary megapolıs turǵyndaryna zańdy saqtaýǵa jáne mundaı zattardy ózimen birge alyp júrmeýge shaqyrdy.
«Ásirese jastar men stýdentterge úndeý salamyz: "kerek bolyp qalar" dep mundaı zattardy ózińizben birge alyp júrmeńiz. Kádimgi janjal aýyr jaǵdaıǵa ulasyp, aýyr zardaptarǵa ákelýi múmkin. Urys-keris kezinde qol astynda turǵan qaýipti zat oqıǵanyń odan ári damýyn ózgerte alady», — dedi PD qyzmetkeri Tımýr Nogaıbaev.
Polısıa zańsyz aınalym jáne qarý alyp júrý úshin jaýapkershilik qarastyrylǵanyn eske saldy. «Bizdiń maqsatymyz — quqyq buzýshylyqtardyń jolyn kesý ǵana emes, olardyń aldyn alý. Zańdy saqtańyz, aınalańyzdaǵylardy qurmetteńiz jáne óz qaýipsizdigińizge jaýapkershilikpen qarańyz», — dep atap ótti Tımýr Nogaıbaev.