Almaty ortalyǵynda problemalyq aımaq anyqtaldy. Bıylǵy jyldyń basynan beri osy aımaqtaǵy qatar ornalasqan 11 oıyn-saýyq mekemesine polısıa qyzmetkerleri 167 ret shaqyrtylǵan, dep habarlaıdy infohub.kz saıty.
Almaty polısıa departamenti Instagram-paraqshasynda 11 oıyn-saýyq mekemesiniń mekenjaıyn jarıalady. Olar Nazarbaev dańǵyly, 120 jáne 124 mekenjaılarynda ornalasqan. Polıseıler shaqyrtýlardy óńdeý úshin jıi osy mekemelerge barady.
Anyqtalǵan buzýshylyqtar boıynsha 257 ákimshilik hattama toltyryldy. Mekeme basshylaryna quqyq buzýshylyqqa yqpal etetin sebepter men jaǵdaılardy joıý týraly usynystar joldandy. Ákimshilik quqyq buzýshylyq týraly kodekstiń 479-babyna sáıkes qajetti sharalar qabyldamaǵany úshin taǵy 11 hattama toltyryldy.
«Bul aımaq polısıanyń erekshe baqylaýynda. Biz tek jasalǵan quqyq buzýshylyqtarǵa ǵana emes, túngi tynyshtyqty buzý jáne qoǵamdyq tártiptiń buzylýy týraly habarlaǵan turǵyndardyń ótinishterine de áreket etemiz. Mekeme ıeleri men basshylary túsinýi kerek: oıyn-saýyq mekemesiniń jumysyn uıymdastyrý irgeles aýmaqtaǵy qaýipsizdik pen tártipke jaýapkershilikti de qamtıdy», — dep eskertti Almaty qalalyq polısıa departamentiniń qoǵamdyq qaýipsizdik basqarmasynyń bastyǵy Tımýr Noǵaıbaev.
Onyń aıtýynsha, tártip buzýshylyqtar turaqty túrde tirkeletin mekemelerde profılaktıkalyq jáne baqylaý is-sharalary kúsheıtiletin bolady.