Almatyda Saıyn kóshesinde sý tasýshy kóligi qatysqan jol-kólik oqıǵasy boldy. Oǵan velosıpedshiniń túsip qalǵan kaskasy sebep boldy. Bul týraly infohub.kz saıty habarlaıdy.
Oqıǵa áleýmettik jelilerde taraǵan beınejazbaǵa túsip qalǵan. Kýágerlerdiń aıtýynsha, jaǵdaı qaıǵyly aıaqtalýy múmkin edi: sý tasýshy kóligi kólik aǵynynyń ortasynda metal qorshaýǵa soqtyǵysty.
Oqıǵanyń mán-jaıyn keıinirek Almaty qalalyq polısıa departamentiniń baspasóz qyzmeti habarlady. Resmı málimetke sáıkes, beınejazbada elektr velosıpediniń júrgizýshisi qozǵalys kezinde kaskasyn joǵaltyp, ony kóterý úshin toqtaǵany kórinedi. Artynsha kólik aǵyny toqtaıdy. Osy sátte sý tasýshy kóliginiń júrgizýshisi tejeýge úlgermeıdi. Soqtyǵysýdan qashýǵa tyrysyp, ol shetke burylyp, metal qorshaýǵa soǵylady. Qýanyshqa oraı, eshkim zardap shekpedi.
Qazirgi tańda oqıǵanyń mán-jaıy anyqtalýda.
Almaty qalalyq polısıa departamenti sondaı-aq: «Bul oqıǵa taǵy bir márte eske salady: jolda jaǵdaı birneshe sekýnd ishinde ózgerýi múmkin — sondyqtan qashyqtyqty saqtap, aldaǵy kútpegen manevrge daıyn bolý mańyzdy», — dep qosty.